partekatu
• Senatua
PSE-EEk defendatu du Herenegun programak lehentasuna ematea terrorismoari zilegitasuna kentzeari bere edukien berrikuspena iragarri eta gero
José Antonio Pastor Euskal Sozialistak legebiltzar-taldeko bozeramaileak azaldu duenez, Herenegun programaren etorkizunean funtsezkoa da terrorismoari zilegitasuna kentzea lehentasunezko helburuen artean ezartzea. «Gure gazteekin lan egin behar dugu jakin dezaten Euskadin hil egin zutela ezberdin pentsatzeagatik, hori inoiz gertatu behar ez zela, bidegabekoa izan zela eta hura aitortzea eta konpontzea dela berriz ez gertatzeko oinarria. Horrek izan behar du Herenegunen helburua eta kontuan hartu behar da ikasgeletara eramango den materiala aztertzerakoan», adierazi du Oroimeneko eta Elkarbizitzako idazkariak gaur eman dituen azalpen publikoen ostean.
José Antonio Pastorek gogorarazi duenez, PSE-EEk defendatu du hizkuntza garbia eta argia behar dela, are gehiago gazteekin lan egiterakoan. Horrez gain, esan duenez, sozialistak bat datoz terrorismoa ikastetxeetan aztertu beharrarekin, eta, horregatik, biktimen lekukotza eraman zuten ikasgeletara Patxi Lópezen Gobernuaren Adi Adian programaren bidez.
«Eduki didaktikoei buruzko edozein gogoeta partekatuk argi utzi behar du terrorismoak ez duela justifikaziorik, eta giza eskubideen bestelako urraketek ere ez. Zilegitasuna kentzeko helburu hori ez zuten betetzen orain arte ezagutu ditugun edukiek, eta espero dugu zuzenduko direla», esan du Pastorek amaitzeko.
