• BERRIA
Berriak
partekatu
• Ekintza politikoa Txurdinagan | Bilbo
Idoia Mendiak EAJri, Bilduri eta Podemosi eskatu die azal dezatela ea zergatik enkargatu dioten adituen taldeari “denok barne hartzen ez dituen Euskadi” planteatzen duen proposamen bat
Euskal Sozialisten idazkari nagusiak ekitaldi politiko berriari hasiera emateko ekitaldi batean parte hartu du Bilbon, Isabel Celáa Pedro Sánchezen gobernuko Hezkuntza ministro eta bozeramailearekin eta Alfonso Gil Bilboko alkateordearekin
Idoia Mendia PSE-EEren idazkari nagusiak EAJri eta EH Bilduri leporatu die autogobernuari buruzko ponentzian hitzartutako oinarriekin denontzako ez den Euskadi eraiki nahi dutela, “edozein unetan, edozein gehiengorekin eta edozein legek dioena alde batera utzita independizatzeko erabakia hartzeko aukera izateko”.
Mendiak parte hartu du larunbat honetan Bilboko Txurdinaga auzoko elkarte sozialistan egindako ekitaldi politikoan, zeinetan Isabel Celáa, Gobernu zentraleko bozeramailea, ere egon den. Haiekin batera Patxi López lehendakari ohia, Alfredo Retortillo aholkulari sozialista eta Alfonso Gil Bilboko alkateordea egon dira, besteak beste.
Hitzaldian, Mendiak baloratu du Pedro Sánchezen Gobernu zentralak azken asteetan egindako lana, eta Mariano Rajoyren kabineteak egin zuenarekin alderatu du. Rajoyri leporatu dio “herrialdea geldiarazi zuela, kalteak eragin dituela eta justizian babestu zuela bere burua Kataluniako erantzukizun politikoa saihesteko”.
"Espainian aro berri bat ireki da eskubidez eta askatasunez osatutako herrialde bat eraikitzeko. Ezin dute hori eztabaidatu eta egunero erakusten dute beren ezintasun politikoa”, esan du.
Testuinguru horretan, euskal buruzagiak aipatu du “Espainiak independentistentzako aitzakia izateari utzi diola jadanik ezin dutelako esan inork entzuten ez diela”. Bere aburuz, errealitatea agerian geratu da eta “haiek dira beren bizikideak entzuten ez dituztenak”.
Sozialistek boterea dutenetik “Espainiak aurrera egin duela” azpimarratu eta gero, esan du “Euskadik, halaber, gehien egin duela aurrera sozialistak egon direnean euskal-, foru- eta udal-gobernuetan".
Mendiak esan du PSE-EE dela “erabaki baztertzailerik hartzen ez duten gobernuak bermatzen dituen ezkerra, euskaldunak edo espainolak sentitzen direnen artean elkarbizitza eraikitzen duena”.
LUBAKIRIK GABE
Modu horretan, PSEk azken hiru urteetan egindako lana nabarmendu du ziklo berri bat irekitzeko, “lubakiekin” amaitzeko, udal- eta foru-politikak ituntzeko.
"Eta itunak egin ditu Euskadiko Gobernuak denbora ez galtzeko nazionalistek gustuko dituzten debateetan, Gobernu hori denontzako izan beharko lukeelako salbuespenik gabe, eta edozein aldaketa ordenamendu juridikotik at egitea saihestu behar zelako", adierazi du honako hau gehitu aurretik: "Legea ez da pareta bat, eskubideak bateratzeko ituna baizik".
Horrekin lotuta, azpimarratu du Gernikako Estatutuak "elkarbizitza-akordio handia” ekarri zuela, “gizartea eraldatzea lortu duena, bai eta kohesio sozialarekin aurrera eginarazi ere, historian inoiz ez bezala".
"Euskal sozialismoak tresnak hobetu nahi ditu, XXI. mendera egokitu dituenak, behar eta erronka berrietara. Baina, batez ere, proiektuak duela berrogei urte kanpo geratzea erabaki zuten horiek barne hartzea nahi du, eta geroago jaio diren belaunaldiak tartean sartzea ere bai”, ohartarazi du.
Hala, PSEk Estatutuaren erreformari buruz azken lau urteetan egindako ekarpenak baloratu ditu, beste batzuek ukatu nahi badituzte ere, “eztabaida beste alor batzuetara eraman eta haien intereseko kontuei buruz bakarrik hitz egiten saiatzen direlako”.
"Eta egin, idatzi, bozkatu eta berresten dutena da denontzako ez den Euskadi nahi dutela. Nazionalismoaren funtsekin nahitaez bat egin behar duen Euskadi, Konstituzioaren beren interpretazio partikularrarekin”, ohartarazi du.
Mendiarentzako nazionalistek nahi dute Euskadi bat eraiki, zeinetan “edozein unetan, edozein gehiengorekin eta edozein legek dioena alde batera utzita, independizatzeko aukera duten”.
"Itxurak egiten dituzte, baina hori diote gehiengoak legearen gainetik daudela diotenean. Euskadin zerbitzu publikoak nahi dituzte, baina legea espezifikoki nazionalentzako izatea ere nahi dute", gehitu dute.
Mendiak adierazi du badakiela nazionalistei molestatzen diela guk hori gogoraraztea, eta kritikatu du irain pertsonalak jaso dituela horregatik. Nolanahi ere, sozialistek argitasunez ulertzen dute EAJrekin eta EH Bildurekin adostutako oinarrietan “bi herritar-kategoria” ezartzen direla.
Azkenik, konpromisoa hartu du “pluralitatea eta berdintasuna, ñabardurarik eta abizenik gabe, bermatuko dituen elkarbizitza-proiektuaren alde lan egiteko”.
AKTUALITATEA
• BERRIA
Eneko Andueza: “PNV y Bildu tienen una agenda oculta y no quieren desvelar si volverán a plantear la autodeterminación; Euskadi no quiere aventuras”
• BERRIA
Aroa Jilete: “Vamos a fomentar el transporte interurbano de los municipios alaveses e impulsar un servicio de cercanías entre Alsasua y Miranda”
• BERRIA
Denis Itxaso: “Apostamos por una tasa que deje en manos públicas parte de lo que reporta el turismo para invertir en su atractivo y sostenibilidad”
• BERRIA
Aroa Jilete: “No es lo mismo el proyecto socialista, progresista y que piensa en las personas, que el de la derecha, que quiere privatizar y recortar derechos”
• BERRIA