partekatu
Mendia: «Pentsioen sistemak funtzionatzeko eta haren jasangarritasuna bermatzeko lan egiten dugu sozialistok»
Idoia Mendia PSE-EEren idazkari nagusiak azpimarratu duenez, sozialistak lan egiten ari dira «Espainiako pentsioen sistemak funtziona dezan, pentsioen zenbatekoak errebalorizatu daitezen eta beren jasangarritasuna zein finantzazioa berma dadin». Idoia Mendiak duela gutxi Magdalena Valeriok, Lan Saileko ministroak, pentsiodunen kolektiboekin izandako bilera aipatu du, eta nabarmendu du Pedro Sánchezen Gobernuak lehentasuna ematen diela, hain zuzen ere, gai horiei, Alderdi Sozialistak intsuldaketadun eskualdatzeak lortu nahi baditu ere, hala nola Gizarte Segurantzaren kudeaketa.
Onda Cero irratian egindako elkarrizketa batean, Idoia Mendiak aitortu du Andoni Ortuzarren adierazpenek harritu diotela, eskualdatzeen erritmoa atsegin ez duela esan baitu. «Harritzen nau EAJk hain azkar galtzea pazientzia Pedro Sánchezen Gobernuarekin, zazpi urtez PPren Gobernuarekin hainbeste izan zutenean», ziurtatu du gaur nazionalistek Rajoyren Gobernuari emandako babesei buruz. Gainera, azaldu du sozialistek Gernikako Estatutua osatu nahi dutela, «baina Gobernua iritsi berria dela eta zeregin asko dituela mahai gainean».
«Sozialistok bat egiten dugu EAJrekin, eta horrela jaso dugu gobernu-akordioan, Gernikako Estatutua betetzea garrantzitsua dela, eta horretarako, eskualdatzeen prozesua beharrezkoa dela», adierazi du. Halaber, esan duenez, «oso garrantzitsua da Gobernuko presidenteak izandako nahi politikoa, eta ziurtatu du goiz ikusiko ditugula Gobernu bien arteko erakunde-elkarrizketaren emaitzak».
