PSE-EE PSOE Socialistas Vascos

Idoia Mendia PSE-EEren idazkari nagusiak “hurrengo hamarkadetako Euskadi finkatzearen alde” agertu da, susperraldi sozialaren, askatasunen eta berdintasunen oinarriekin, hain zuzen ere, gaur egungo Euskadi eraiki zuten printzipioekin.

Gainera, “iraganari ez eusteko” eta “etorkizunari begiratzeko” eskatu du, eta baieztatu du sozialdemokraziaren printzipioei helduta, gizartea kolonizatu nahi duen populismoaren “gaitzari” erantzuna emateko aukera dagoela.

"Sozialismoaren izateko arrazoia izan da beti, eta izango da beti ahaleginak batzea, berdintasuna, justizia soziala, elkartasuna, aniztasuna eta askatasuna lortu nahi dutenen ahalegina", baieztatu du "Sozialdemokrazia eta Ongizate-estatua” izeneko jardunaldiari hasiera emateko hitzaldian. Jardunaldia Mario Onaindia Fundazioak antolatu du, eta haren bidez, halaber, Grand Place aldizkariaren 8. alea aurkeztu dute.

Bere aburuz, historiak agerian utzi du Alderdi Sozialistak burutu dituela herritarren auziak egunero lan eginez eta “erakundeen ekintzaren” bidez. "Egin izan dugu oposiziotik ahoa altxatu behar izan dugunean eta gobernuaren ardurak izan ditugunean", adierazi du.

Era berean, adierazi du sozialdemokraziak “urte gehiegi eman dituela azken krisian zer egin genuen txarto jakiteko saiakeretan, eta zenbait unetan lotu gaituzten zalantzak argitu behar ditugula”; izan ere, populismoa makurtuta zegoen esklusioko eta kode binarioetako diskurtsoekin eraso egiteko, zuriari edo beltzari buruzko eztabaidan.

Populismoa prest zegoen Europako proiektuaren euskarriak zalantzan jartzeko, bai eta demokraziaren eta elkartasuneko bizikidetza baketsuaren arauen gakoak ere; adierazi du.

Mendiak baieztatu duenez, bakarrik sozialdemokraziaren printzipioei helduta, “justizia sozialarekin eta desberdintasunaren aurka eta elkartasunaren alde” borrokatuz aukera egongo da gizarte osoa “kolonizatu” nahi duen “gaitzari” aurre egiteko.

“Pobrezia eta desberdintasuna demokraziaren disolbatzaileak direla abiapuntu hartuta, kontrako norabidean aurrera egiteko bidea markatuta dugu”, gehitu du, “iraganean geratu” ez gaitezen. “Probetxu handiagokoa da nire ustez Mario Onaindia Fundazioak egiten duena, etorkizunari begira. Grina horrekin bat egiten dugu sozialistok”, azpimarratu du.

PATXI LOPEZEN GOBERNUA DEFENDATU DU

Halaber, Patxi Lópezek lehendakari izan zenean egindako lana defendatu du. Lópezekere jardunaldian parte hartu du. “Bere gobernuak krisiaren unerik txarrena kudeatu behar izan zuen, eta ni haren parte izan nintzen”. Gero eta urriagoak ziren gure baliabideak, eta oposizio bortitza genuen, diru-kutxa publikoen aldetik eraso handiak egin zizkigunak”, deitoratu du.

Halaber, uste du Lópezen gobernua gai izan zela zerbitzu publikoen “hondamena” gelditzeko, eta “etorkizunerako estrategiak” diseinatzen hasi zen. Gainera, nabarmendu duenez, aitzindaria izan zen osasun publikoaren plangintza egiteko, “zaharkitzearen erronkari” aurre egiteko eta kalitatea eta iraunkortasuna mantentzeko.

“Politika sozialak eta elkartasunekoak iraungarri egin eta indartu genituen, eta ekonomia berritzaile baten inbertsio-ahalegina ardaztu genuen. Horri esker, iraultza teknologikoari ekin diezaiogu gaur, arrakastatsu izango garen bermearekin. Gobernu hori gai izan zen zalantzazko etorkizunari aurre hartzeko”, baloratu du.

PSE-EEren idazkari nagusiak azpimarratu duenez, sozialisten ustez susperraldi ekonomikoa ezinezkoa da “aldi berean gizartea erabat lehengoratzen ez bada”. “Seguru asko erantzun ezberdinak kontuan hartu beharko ditugu, baina azken helburua denok berreskuratzea da. Antza denez beste alderdiek erabiltzen dituzten argudioak ez ditugu onartuko, zehazki, arazo zailetarako erantzun errazei dagokienez”, adierazi du.

PSE-EEren 25 urte

Bestalde, Mendiak gogorarazi du 2018 urte berezia dela euskal aurrerakoien batasuna goraipatzeko; izan ere, duela 25 urte Euskadiko Alderdi Sozialistak eta Euskadiko Ezkerrak bat egin zuten.

"Berriz ere gogora ekarri nahi dut indar aurrerakoien batasuna, ekintza politikoari zentzua ematen diona, jendearen bizitzan eragina duena, agenda instituzionala finkatzen duena. Gaur gure konpromisoa berretsi nahi dugu, euskal sozialdemokraziarena, eta tokian toki ekiteko duen gaitasunarena. Haren bidez lortuko baitugu, hurrengo belaunaldiari zerbitzu publikoak eta gizarte-eskubideak bermatuko dizkien ongizate-sistema indartzea”, adierazi du.

Mendiak esan duenez, euskal herritarrek elkarrekin aurrera egiteko espazio bat nahi dute, “gainerako guztiaren gainetik”. Ekonomiaren eta gizartearen hazkundea nahi dute, bai eta askatasunena eta berdintasunena ere. “Eta gaur ezagutzen dugun Euskadi eraikitzeko aukera eman zuten euskarrien gain hurrengo hamarkadetan nahi dugun Euskadi sendotu nahi dugu”, esan du amaitzeko.