partekatu
• ZUZENKETAK
Bitartekaritza-bulego bat sortzeari buruz
OSOKO ZUZENKETA
- Eusko Legebiltzarrak Eusko Jaurlaritzari eskatzen dio Elkarlanerako Hitzarmen berri bat sinatu dezala Botere Judizialaren Kontseiluarekin eta Euskal Udalerrien Elkartearekin (EUDEL), familia etxetik botatzearen ondorioz kalteberatasun kasuak antzemateko, posible egiteko izaera sozialeko neurriak hartzea, ekainaren 2013ko egungo Hitzarmena ordezkatzeko. Hitzarmen berri horrek honakoak bete beharko ditu:
- Ibilbide azkarragoa, eraginkorragoa eta efizienteagoa ezartzea, bizi diren etxetik botatzea ondorio duen prozedura judizial baten ondorioz kaltetutako pertsonei konponbide bat eman ahal izateko.
- Parte hartzen duten eragileen arteko koordinazioa, komunikazioa eta elkarlana hobetuko duten mekanismoak ezartzea.
- Neurriak hartzea prozedura judizialetan zehar edo Justizia Administrazioak bere lana egiten antzeman daitezkeen kalteberatasun-egoerei erantzuna emateko.
- Eusko Legebiltzarrak Eusko Jaurlaritzari eskatzen dio beharrezko neurriak har ditzala erakundearteko eta sailarteko koordinazioa hobetzeko egun dauden zerbitzu anitzen artean.
- Eusko Legebiltzarrak Eusko Jaurlaritzari eskatzen dio Bizitoki Larrialdietarako Arretarako Plan integral koordinatua egin dezala.
4. Eusko Legebiltzarrak Espainiako Gobernuari eskatzen dio ahalik eta azkarren posible egin dezala Hiri-errentamenduen Legearen beharrezko erreforma eta hipoteka-kredituari buruzko europar zuzentarauaren transposizioa.
