partekatu
• ZUZENKETAK
Eusko Jaurlaritzaren Osasun Sailaren krisiari buruz
OSOKO ZUZENKETA
Eusko Legebiltzarrak hauxe iradokitzen dio Eusko Jaurlaritzaren Osasun Sailari:
-Hartutako konpromisoa berrets dezala, 2016-2017 EPEko hautaketa-prozeduran zehar egindako irregulartasunak argitzeko hasitako ikerketak amaierara arte eramateko, Fiskaltzarekin eta Arartekorekin elkarlanean arituz, egoki diren erantzukizunak egozteko xedez.
-Halaber, behar diren neurri denak har ditzala hautaketa-prozesua ahalik eta azkarren amaitzeko, gardentasunarekin, berme guztiekin eta indarrean dagoen legeriaren babesarekin, berdintasuneko, merezimenduko eta gaitasuneko printzipioak errespetatuz Osakidetzan lan egiteko langilerik onenak hautatzeko xedez.
-Legebiltzar-talde guztiekin lankidetzan, hurrengo hautaketa-prozesuetan aplikatu beharreko neurrien proposamena lantzen jarrai dezala, etorkizuneko eskaintza publikoei begira, gardentasuna, aukera-berdintasuna eta segurtasuna aurrera eramateko xedez.
