partekatu
• ZUZENKETAK
Ertzaintzaren ibilgailuak berritzeari buruz
OSOSKO ZUZENKETA
Eusko Legebiltzarrak Eusko Jaurlaritzari eskatzen dio:
1.- Lan Arriskuak Prebenitzeko eta Lan eta Gizarte Segurantzaren Sistema Antolatzeko araudian aurreikusitakoarekin bat, bete ditzala Bizkaiko Lan Ikuskaritzak Segurtasun Sailari egindako errekerimenduak, berriki erositako Seat León ibilgailuei dagozkienak.
2.- Agindutako neurri guztiak har ditzala, teknikoak edo antolakuntzakoak, bermatzeko agenteen esku jarritako Seat León ibilgailu guztiek ez dutela osasunarentzako eta lan segurtasunerako arriskurik ekarri.
3.- Txosten sakona egin dezala errekerimendu guztiei, erabakitako neurriei eta praktikan jartzearen ebaluazioari buruz, Lan Ikuskaritzaren errekerimenduak berak horretarako ezarritako epean, eta txosten horren kopia bat igor diezaiola Eusko Legebiltzarrari.