BERRIAK http://www.socialistasvascos.com es-ES http://www.socialistasvascos.com/images/rssPSE_EE_EUSKADI_2017.png http://www.socialistasvascos.com 150 100 http://www.socialistasvascos.com/nodo.php?lang=2&tipo=2&ID=31272 La Comisión Ejecutiva del PSE-EE quiere instar al rector de la EHU, Joxe Ramón Bengoetxea, a garantizar los derechos y la igualdad de oportunidades de todo el alumnado en las pruebas de acceso a la universidad, circunstancia que a todas luces no se ha producido con la evaluación de determinados exámenes en la reciente convocatoria de la PAU, y a cumplir con las medidas cautelares señaladas por los tribunales. Tras conocerse la decisión judicial respecto a los alumnos y alumnas que han recurrido la nota obtenida y que obligan a la EHU a no considerar la prueba de Euskera y Literatura vasca II, el PSE-EE considera imprescindible que se protejan los derechos de todos los alumnos y todas las alumnas, sin que se vean perjudicadas sus expectativas respecto a su formación futura. “Lamentamos que las explicaciones ofrecidas por el rector no arrojen luz suficiente sobre las razones de la concentración de ceros en las notas de determinados colegios, ni se conozcan las medidas adoptadas por la EHU para que esta situación no vuelva a repetirse. La falta de transparencia a este respecto deja dudas sin resolver sobre el desproporcionado número de suspensos, que deberían haberse despejado ya y haber ayudado a evitar un procedimiento judicial que ahora resulta de difícil solución”, ha explicado la Secretaria de Universidades, Innovación e Investigación del PSE-EE, Patricia Campelo. Y ha añadido: “En cualquier caso, solicitamos al Departamento de Educación del Gobierno Vasco que mantenga una actitud proactiva en la defensa de los modelos y beligerante con cualquier intento de cuestionar el actual sistema, que está obligado a proporcionar a todos los alumnos y alumnas la competencia adecuada en las dos lenguas oficiales. Y rechazamos la utilización de la situación creada como argumento para avanzar en un apartheid lingüístico del mismo calibre que el que se pretender imponer con la reciente Ley de Empleo Público y la exclusión de miles de vascos y vascas”. Tue, 30 Jun 2026 12:05:00 GMT http://www.socialistasvascos.com/nodo.php?lang=2&tipo=2&ID=31253 PSE-EEko idazkari nagusiak, Eneko Anduezak, esan du jendearen bizitza hobetzera zuzendutako politika aurrerakoiak direla eustormarik onena noraez populisten aurrean. Anduezaren esanetan, euskal sozialismoa bide horretan sakontzen joango da herritarren eskubide eta askatasunak ez daitezen inolaz ere murriztuak izan. “Europa zeharkatzen duen olatu erreakzionario horren aurrean, pertsonen bizitza hobetzen duten neurri aurrerakoiak defendatuko ditugu”, adierazi du.  XIX. Ramon Rubial Sarien edizioko sari ematea Donostian egin izan da “Valores con voz propia. Berezko argia duten balioak” lemarekin. Sarituen artean dira UGT eta CCOO sindikatuak, eta Pepe Alvarez eta Unai Sordo bietako idazkari nagusiek ordezkaturik egon izan dira. Sindikatuek Demokraziaren eta Askatasunaren Defentsa saria jaso dute. Horren haritik, Eneko Anduezak poza adierazi du jende asko dagoelako “erresistentzia egin eta irabazteko prest” demokrazia eskuin muturraren erasoetatik babesteko.  “Ni ez naiz nekatuko. Ramon Rubial Fundazioa ere ez. Euskal sozialismoa, nire alderdia, ezta ere. Pertsonen bizitza hobetzeko eta justizia sozialaren alde borrokatzeko aurrerabideak betetzen duen egitekoa aldarrikatzeko unea da”, adierazi du. Anduezak sindikatuen eginkizun “aparta” azpimarratu du balio demokratikoen eraikuntza horretan. “Espainiako klase-sindikalismoaren indarra pozgarria zaigu progresismoan militatzen dugunontzat”, adierazi du.  #Europa zeharkatzen duen olatu erreakzionario horren aurrean, pertsonen bizitza hobetzen duten neurri aurrerakoiak defendatuko ditugu. Gainean dugun populismoari erresistentzia egiten eta irabazteko gehiengo sozial bat dago. Ez dugu amore emango… pic.twitter.com/7vGYmx5xgc — Eneko Andueza (@enekoandueza) June 28, 2026 Buruzagi sozialistak, halaber, bi sindikatu horiek Elkarrizketa Soziala garatzeko orduan egin izan duten lana azpimarratu.  Anduezak esan du eragile ezberdinen arteko akordioari eta lankidetzari esker jarri izan direla martxan Erakunde Parte-hartzerako Euskal Legea, Langile Heziketako Eredu Propioa edo lan-merkatuko Migrazioei buruzko lan-taldearen sorrera bezalako neurriak.   PSE-EEko idazkari nagusiak, bestalde, aitortza egin dio Iratxe Garcia Europako Parlamentuko Sozialisten eta Demokraten Taldeko presidentearen “borrokako ibilbideari” ere, “eskubideen eta askatasunen Europaren etorkizuna jokoan den tokietan”.  Eneko Anduezak eurodiputatuaren lana goraipatu du, zeinak Balio Sozialisten Defentsako Ramon Rubial Sariari eman baitiote Europako erakundeak herritarrengana hurbiltzeagatik. Eta “Europako instantzietan egunero zer jorratzen den ezagutzera emateak” duen garrantzia azpimarratu du.   Hauek izan dira hemeretzigarren edizio honetako beste sarituak: Larrialdietako Unitate Militarra-UME, Elkartasunaren eta Lankidetzako Saria Almudena Ariza kazetaria, Komunikazioaren Saria Ezezagunok, Kulturaren Saria Cidetec, Enpresaren Saria Magialdia-Magiaren Nazioarteko Jaialdia, Euskadi Munduan Sustatzearen Saria Nautica Portugalete Kirol Taldea, Kirolaren Saria eta Lurgaia Fundazioa, Iraunkortasunaren eta Ingurumena Zaintzearen Saria. Tue, 30 Jun 2026 08:36:00 GMT http://www.socialistasvascos.com/nodo.php?lang=2&tipo=2&ID=31230 PSE-EEko idazkari nagusiak, Eneko Anduezak, azpimarratu du sozialistek erabakimenez eta energiarekin jarraituko dutela lanean arabar eta euskal herritarren kezka nagusiak konpontzeko. “Sozialistek hemen jarraitzen dugu, kementsu, inoiz baino gogo gehiagorekin, batzuen gogoz bestera bada ere”, adierazi du.  Iruña-Okan lurralde osoko afiliatu eta zaleekin egin den Arabako Elkarteen Jaian, Andueza harro azaldu da “Araban sortu zen lehen alderdia” izateagatik, 1897. urtean Gasteizko lehen Elkarte Sozialista zela gogora ekarriz. “1897 urruan hartatik, orduko asmo berdinarekin jarraitzen dugu hemen, gizarte bidezkoago bat eraikitzeko, desberdintasunaren kontra borrokatzeko eta ongizate kolektiboa hobetzeko”, esan du.  “Arabako Alderdi Sozialistaren historian zerikusi handia du botere faktikoen erresistentziak eta botere ekonomikoek langile-antolakundearen kontra egindako erasoek”, adierazi du. Sozialistek bakean den gizarte berdinzale eta bidezko baten eraikuntzan duten konpromisoa azpimarratu du Eneko Anduezak. “Gure historia iltzatuta dago Gerra Zibilean eta gero, diktaduran, faxismoaren kontrako erresistentziagatik, terrorismoaren kontrako borrokagatik edo erakundeen eta legearen defentsagatik “, esan du. Eta sozialistek gehiengo sozialaren zerbitzura diren erakunde batzuk bermatzeko duten egiteko ona nabarmendu du.  Horren haritik, PSE-EEko idazkari nagusiak adierazi du hori guztia “agerikoa” dela Gasteizko alkateak gobernatzeko duen moduan. Anduezak balioa eman dio Maider Etxebarriak elkarrizketa eta lankidetza erabiliz gobernatzeko duen moduari, “Aurrekontuak edo Plan Orokorra aurrera ateratzeko indarrak eraginkortasunez, zorroztasunez eta ezberdinen artean akordioak eginez batzea” lortu izan duelako.  “Hiru urte baino gehiago dira hiriko lehen emakumezko alkate bihurtu zela, eta gaur esan dezakegu pronostikorik onenak ere bete izan dituela. Denok espero genuelako Maiderren lidergo-erakustaldiak eta baikortasun-bultzadak altxatu egingo zuela hiriaren aldartea. Eta guztia berretsi izan da”, adierazi du.  Hemen jarraitzen dugu, batzuen gogoz bestera bada ere, beti bezalako aldartearekin eta inoiz baino gogo handiagoarekin gizartearen ongizaterako lanean jarraitzeko helburua betetzen. Harro esan dezakegu #Araba-n sortu zen lehen alderdia garela, jendearen alde lan egiten denbora gehiena daramana… pic.twitter.com/dzcK8pRxdO — Eneko Andueza (@enekoandueza) June 20, 2026 Iruña-Okan Mitxel Montesek edo Zanbranan Trini Zarzak bezalako beste arabar alkate sozialista batzuek egindako lana ere azpimarratu du buruzagi sozialistak. “Hementxe gaude, egunero borrokan alkatetza horietatik, udalerri dinamikoak sortzeko proiektuekin eta asmo onekin”, adierazi du. Zerga-harmonizazioa  Arabako PSE-EEko idazkari nagusiak, Javier Hurtadok, EAJk Bizkaian iragarri dituen zerga-aldaketak izan ditu hizpide. Esan du Alderdi Sozialista proposamen hori aztertzeko prest dagoela, baina edozein kasutan ere negoziatu egin beharko dela.  “Oso argi utzi nahi dut: elkarrekin gobernatzen badugu, elkarrekin erabaki behar dugu. Hori da edozein akordiorako oinarria eta, halaber, egonkortasunaren eta bazkideen arteko errespetuaren bermerik onena. Hemen, Araban, irekita gaude gure zerga-sistema hobetzen lagunduko duten proposamen guztiak eztabaidatzeko, hitz egiteko eta aztertzeko. Baina ez gaude inoren esaneko planteamenduak onartzeko prest, Arabako fiskalitateari buruzko erabakiak ezin direlako izan beste lurralde batzuetatik ezarriak”, adierazi du. Eta lurraldeen artean zerga-arauak harmonizatzearen beharraz ohartarazi du, eta PSE-EEk ere ekarpenak egingo dituela erreforma berri bat egin nahi bada: “Edozein aurrerapen hiru foru-ogasunen arteko akordio batetik eta gobernu-erantzukizunak partekatzen ditugun indar politikoen arteko elkar ulertzetik etorri behar du. Zerga arloko neurriek ezin dute inolaz ere hautsi gaur egun Euskadin den zerga-harmonizazioa. Eta beste gauza garrantzitsu bat ere esan nahi dut: zerga-erreforma berri bat badago, erreforma horrek Alderdi Sozialistaren lehentasunak jasoko ditu”. Hurtadok esan du PSE-EE konprometituta dagoela lurraldearekin “beste batzuk Madrilen gertatzen denari, Bizkaian erabakitzen denari edo beren barruko gatazkei adiago dauden bitartean”. “Guk oso argi dugu zein den gure lehentasuna: Araba. Gure konpromisoa lurralde honekin eta bertan bizi diren pertsonekin da”, azaldu du. Eta Aiaraldeko industriaren eta enpleguaren egoeraz ohartarazi du. “Asko kezkatzen gaitu Aiaraldeko egoerak. Arabako PSE-EE zeharo engaiatuta dago kontu horretan, konponbideak aurkitu eta enplegua eta jarduera ekonomikoa zaintzeko. Horretarako, albora utzi behar ditugu orokortze bidegabeak, ahaldun nagusiak egin ohi duen bezala”, aurpegiratu dio Ramiro Gonzálezi. Aldi berean, UGT eta CCOO sindikatuak aldeztu ditu, “egunero erakusten ari direlako posible dela langileen interesak erantzukizunetik defendatzea, negoziazio-mahaietan eseri eta akordioak bilatuz”, esan du. Etxebizitza, segurtasuna eta garbiketa Gasteizen Gasteizko alkateak, bere aldetik, esan du “ikuspegi errealista eta positibo” baten alde egiten dutela “eskuinaren eta eskuin muturraren kontzeptu negatiboaren aurrean”. “Jakina hobetu ditzakegula auzoak. Jakina etxebizitza gehiago egin daitezkeela. Segurtasuna eta garbiketa hobetu daitezkeela, jakina, ba”, adierazi du esparru horietako neurriak azpimarratu ondoren, adibidez 1.000 etxebizitza baino gehiago prezio eskuragarri batean eraikitzeko hitzarmena, Udaltzaingoaren plantilla beste 50 agenterekin handitu izana edo garbiketako kontratu berria.  Ildo horretan, Maider Etxebarriak esan du gasteiztarren bizi-kalitatea hobetzeko ekintza horiek “Alderdi Sozialista gobernuetan izateko beharra erakusten duten adibide soil batzuk” besterik ez direla. “Egonkortasuna, konfiantza eta elkarrizketa eskaintzen ditugu”, azpimarratu du.  Alkate sozialistak elkarrizketaren alde azaldu da ongizatean urrats gehiago emateko, “gure helburua eraikitzea delako, ez suntsitzea”, adierazi du. “Positiboan gobernatzen dugu, besteen ezezkoaren aurrean guk letra handiko baietza ematen dugu”, adierazi du. Eta “hitzak praktikara eraman” behar direla esan du, PSE-EEk arabar hiriburuko udalaren buruan egiten duen bezalako kudeaketa arduratsu eta eraginkorraren bidez.  Gasteizko alkateak, azkenik, hirirako dauden beste proiektu estrategiko batzuk ere aipatu ditu, tranbiaren zabalpena, Plan Orokorraren onarpena –Mercedez-Benz faktoria zabaltzea ahalbidetu du– edo Principal Antzokiaren edo Goia eraikinaren erreformak, esate baterako. “Aurrerabidea defendatzeko eta gauzei buruzko gure ikuspegia sendotzeko gaude gaur hemen”, adierazi du.  Mon, 29 Jun 2026 10:50:00 GMT http://www.socialistasvascos.com/nodo.php?lang=2&tipo=2&ID=31221 PSE-EEko idazkari nagusiak, Eneko Anduezak, sozialismoa jarri du LGTBI eskubideen arloan eskuinaren eta eskuin muturraren planteamendu atzerakoien eustorma nagusi gisa. “Alderdi Sozialistak aurrera egiten jarraituko du LGTBI askatasun eta eskubideetan PPren eta Voxen atzerapausoen aurrean”, adierazi du.  PSE-EEko LGTBI Idazkaritzak Bilbon antolatu duen “Harro-harro” ekitaldian, “LGTBI politika sozialistak: ikuspegi globala eta tokiko ekintza” izeneko mahai-inguruan, Anduezak askatasunei galga jarri nahi dien guztien postulatuak salatzeak duen garrantzia azpimarratu du. “Askatasunen kontuan, atzerako urratsek bi izen dituzte herri honetan: Vox eta PP. Uste dut argi adierazi beharra dagoela norena den horren gaineko erantzukizuna”, adierazi du jardunaldiari hasiera ematean, Victor Gutierrez PSOEko LGTBI idazkaria ere bertan zela.  Alderdi Sozialistak aurrera egiten jarraituko du LGTBI askatasun eta eskubideetan PPren eta Voxen atzerapausoen aurrean.#conmuchoorgullo pic.twitter.com/FXbKMLPaRC — Eneko Andueza (@enekoandueza) June 18, 2026 Buruzagi sozialistarentzat, “funtsezkoak izan gara LGTBI eskubideen aldeko borrokan eman izan diren mugarrietan”. “Norabide horretan jarraituko dugu lanean, eskuina eta eskuin muturra gaiztotzen saiatzen diren giroa gorabehera”.  Eneko Anduezak, beste alde batetik, beharrezkoa irizten dio erakundeetatik babesa ematea Harrotasun Eguna ospatzeko, “udalen eta beste erakunde batzuen konpromiso hori gizarte osoak kolektiboaren aldarrikapenei ematen dien babesaren isla delako”. Anduezak nabarmendu duenez, “inoiz baino beharrezkoagoak dira sentsibilizazio-kanpainak”. Batik bat, gazteenei eta kirola bezalako esparru zehatzetara zuzenduta direnak. Sun, 28 Jun 2026 06:06:00 GMT http://www.socialistasvascos.com/nodo.php?lang=2&tipo=2&ID=31213 PSE-EE eta EAJ-PNV alderdiek guraso bananduentzako PFEZko zerga-araudia aldatzea erabaki dute. Araban, Bizkaian eta Gipuzkoan egingo diren doikuntzen helburua da bananduta diren guraso, adoptatzaile zein harrerakoen kasuan mantenu ekonomiko esklusiboa justifikatzeko elementuak eta frogabideak eguneratzea, horiek beren oinordekoekin aitorpen bateratua egitea ahalbidetzeko. Zehazki, eta 2025eko zerga-berrikuspenaren esparru orokorra errespetatuz, eguneratu egingo dira pertsona bakar batek noiz hartzen duen era esklusiboan bere gain adingabeen mantenu ekonomikoa akreditatzeko irizpideak eta frogabideak. Hala, seme-alaben gastuak bere kabuz ordaintzen dituztenek familia-unitatearen baterako zergapetzean jarraitu ahalko dute, beren egoera ekonomiko erreala kontuan izango dela bermatuz horrela. Aldaketa horrek ez dio ukitzen justizia fiskalaren eta baliokidetzat jo daitezkeen gaitasun ekonomikoen aurrean tratamendu ekitatibo eta berdinzale bat emateko helburuari, eta EAJ-PNV eta PSE-EE alderdiek 2025eko zerga-berriskuspenak izandako inpaktuak identifikatzeko eta, hala badagokio, behar denetan doikuntza egiteko elkarrekin lan egiteko adierazi izan duten borondatearen ondorio da.  Horren ildotik zehazten da, hain zuzen, aipatu alderdi horietan araudi aldaketa. Halatan, alde batetik, malgutu egiten da frogaren zama guraso, adoptatzaile edo harrerako bakar batek bere gain mantenu ekonomiko esklusiboa duela justifikatzeko orduan. Eta, bestetik, aldatu egiten da mantenu ekonomikoa esklusiboa dela erabakitzeko azpitiko atalasea. Seme-alaben zaintza esklusibotasunez daramaten kasuetan, gutxieneko zenbateko bat ezartzen da mantenu ekonomikoa esklusiboa dela onesteko elikadura-pentsioarentzat, Botere Judizialaren Kontseilu Nagusiak ezarritako erreferentzien ildotik. Sun, 28 Jun 2026 06:04:00 GMT http://www.socialistasvascos.com/nodo.php?lang=2&tipo=2&ID=31205 Eneko Andueza PSE-EEko idazkari nagusiarentzat, Eusko Jaurlaritzak neurriak jarri behar ditu martxan Ekialde Hurbilean sortutako Amerikako Estatu Batuen eta Israelen gerrak ekarri duten bezalako egoeren aurrean gizarte osoa babesteko eta, aldi berean, erronka global handiei erantzuten jarraitzeko. “Gobernu gisa dagokigun erantzukizunaz jokatu beharrean gara, euskaldunak babestuko dituen berehalako neurriak martxan jarri beharrean gara, ahulenei, hots, langile klaseari, enpleguari eta gure pentsiodunei segurtasuna emango diena. Eta, hori guztiori, trantsizio energetikoa, krisi demografikoa, Adimen Artifiziala edo zainketa-ereduaren birdiseinua bezalako horren eraldaketa konplexuen erdian”, azaldu du Eusko Legebiltzarra egiten ari den osoko bilkura monografikoan. Euskadik gizarteko geruza kalteberenen aldeko ongizate-maila handiagoetarantz urratsak emateko orduan sozialismoak gobernuetan duen eragina aldarrikatu du Anduezak. “Eraldaketarako, lidergorako, ekintza politikorako eta herrialde-erantzukizunerako garaiak dira. Eta gobernu guztietan gaude horretarako: eraldaketarako, ekintzarako eta lideratzeko”, adierazi du. “Hamaika arrazoi ditugu aditzera emateko dagoeneko eskuinaren atzera-egite politikoaren biktima izan zen gizarte-babeserako sisteman urrats bakar bat ere ez dugula atzera emango”, esan du 2008ko krisi ekonomikoaren ondoren gertatutakoa aipatuz. PSE-EE “Euskadi aurrerabidean jartzen duen bide-orria zorrotz-zorrotz betetzeko eguneroko ekintzan bete-betean murgildurik” dagoela bermatu du buruzagi sozialistak. Eta “politika sozialistek beren eraginkortasuna erakutsi” dutela “ahal dena salba dadila”ren aurrean. “Horrelaxe ulertu zen Pedro Sánchez presidenteak bultzatuta Berreskurapen Funtsekin pandemiari eman zitzaion europar erantzunarekin horrelaxe erantzun genion Ukrainiako inbasioaren ondorengo inflazio-espiralari eta horrelaxe erantzuten diogu, gaur, Irango gerratik eratorritako ezegonkortasunari”, azaldu du. Horren haritik, Anduezak munduko bazter askotan eskubideak murrizten dituen inboluzio-arriskuaz ohartarazi du, “azkenean herritarren bizi-segurtasunari” eragiten diona, haren hitzetan. “Gure Ongizate Estatua mehatxaturik dago ezegonkortasunagatik, beldurraren diskurtsoengatik eta jendearen zailtasunak sekula betetzen ez diren konponbide magikoak eskaintzeko baliatzen dituzten populismoengatik”, adierazi du.  Gobernu gisa dagokigun erantzukizunaz jokatu beharra dugu ahulenak, langile klasea, babestuko dituen eta segurtasuna emango dien neurriak martxan jartzeko.#2añosmásdeizquierdautil pic.twitter.com/SiJIbaiqow — Eneko Andueza (@enekoandueza) June 17, 2026 Testuinguru horren aurrean, erakundetatik erantzun argi bat ematearen alde azaldu da, “gobernu erantzukizunetik konponbide errealak” emanez. “Indar progresistek irmo eutsi behar diogu kexaren paralisiaren aurrean eta diagnostikoaren eta prospektibaren laborategian eroso-eroso geratzea nahiago dutenen aurrean”, adierazi du. PSE-EEko idazkari nagusiak, bestetik, Eusko Jaurlaritzan sozialistak buru diren sailetan lortu izan diren aurrerapenak aletu ditu. Mikel Torres lehendakariordearen sailak egindako lanari esker euskal ekonomiak erakusten duen norabide egokia azpimarratu du Anduezak. “Garai ona ari gara igarotzen, nazioarteko asaldurak eta muga-zergen mehatxua gorabehera. %1,9ko igoera aurreikusten da urte honetarako”, esan du. Buruzagi sozialistak, era berean, euskal enpleguak izan duen bilakaera ona nabarmendu du, eta Gizarte Segurantzari kotizatzen dioten 1.042.000 langile edo langabezia-tasa %6,5 inguruan egotea eman ditu adibidetzat. “Arrakasta hori, Euskadin, Europako Funtsen kudeaketa akasgabean nabaritzen da”, gaineratu du. Mugikortasun jasangarriaren arloan, berriz, Eneko Anduezak esan du garraio publikoa dela “aukera-berdintasuna bermatzeko eta langile familien kontziliazioa errazteko tresnarik indartsuenetako bat”. Eta ildo horretan ezarritako hainbat neurri aipatu ditu, hala nola garraio publikoan jarri izan diren hobariak edo “herrialdea eraldatzen duten tamaina handiko obrekin” ematen ari diren urratsak, Donostiako Topoarekin, Bilboko Metroaren 4. eta 5. lineekin edo Gasteizko Zabalganako tranbiarekin gertatzen ari den moduan”. “Hori da herrialdea kohesionatzeko mugikortasuna, ez eztabaida antzuekin geraraztekoa. Beste batzuk identitate-eztabaidetan nahasturik dabiltzan bitartean azpiegiturei buruz, guk jendearen patrikarentzat lagungarri diren politikak exekutatzen ditugu”, esan du Susana Garcia Chuecaren sailburutzako politikei erreferentzia eginez. Etxebizitza kontuan, Denis Itxasok zuzentzen duen sailak bizitegi-krisia arintzeko bultzatu izan dituen neurri batzuk xehatu ditu euskal buruzagi sozialistak, hots: Premiazko Neurrien Legearen onarpena, eremu tenkatuetan alokairuen prezioa mugatzea edo Gaztelagun edo Bizigune programetako baldintzak hobetzea. “Etxebizitza duin baterako sarbidea bermatzeak ekintza publiko iraunkor, anbiziotsu eta ausart bat eskatzen du, merkatuan behar denean esku hartuko duena. Horixe da bide-orri sozialista: egintzak, legeak eta eraikitako pisuak”, gaineratu du. Eneko Anduezak, halaber, balorazio positiboa egin du Maria Jesus San Josek zuzentzen duen sailburutik “justizia irisgarria, modernoa eta birgizarteratzera eta bizikidetzara zeharo zuzendutako bat” bermatzeko orduan egin den lanari buruz, eta baita Javier Hurtado buru duen sailburutzan euskal udalerriei turismoaren fenomenoa kudeatzeko orduan baliabide gehiago emango dizkion Turismo Lege berria onartzeko egin duen lanari buruz ere. Sun, 28 Jun 2026 06:03:00 GMT http://www.socialistasvascos.com/nodo.php?lang=2&tipo=2&ID=31144 PSE-EEko idazkari nagusiak, Eneko Anduezak, esan du egungo Eusko Jaurlaritzak jendearen bizitza hobetzeko ezkerreko politika eraldatzaileak bermatzen dituen bide-orri bat lantzen jarraituko duela sozialisten lan eta eraginarekin. Anduezak azpimarratu duenez, PSE-EEk, kudeaketa eraginkor bat egiteaz gain, Exekutiboa euskal herritarren benetako kezkak konpontzeari zuzenduta egotea lortzen du. PSE-EEren parte-hartzearekin, Gobernu hau konprometituta egongo da politika aurrerakoiak bultzatzen dituen formula arrakastatsu horrekin. Oso pozik gaude egiten ari garen lanagatik”, adierazi du. Euskal legegintzaldiaren erdia bete izana ospatzeko Donostian egin den ekitaldian, sailburu, militante, zale eta kargu sozialistak bertan zirela, hauexek izan dira, labur-labur, Anduezak erakundeetan egin izan den kudeaketari buruz esan dituen hitzak: “Harro egon gaitezke eta egon behar dugu”. Topaketa Miramongo Parkean egin izan da, “2 años más de izquierda útil / 2 urte gehiago. Ezker baliagarria” lemarekin. “Gure sailburuak benetan ondo ari dira egiten gauzak. Ez nuen batere zalantzarik orduko 2024ko ekain hartan ere, koalizioko Gobernuaren eraketa negoziatu genuenean, baina gaur esan beharra daukat bete izan ditugula espektatibak, ene ustetan”, adierazi du. Horren haritik, lan guztia “lehen minututik arrandiarik gabe baina asmoak oso argi” zirela egin izan dela azpimarrtu du buruzagi sozialistak. “Balioa eman behar zaio lan horri, lan asko egin izan da, eta baita lortu diren emaitzei ere”, esan du. PSE-EEren parte-hartzearekin, koalizioko Gobernu hau konprometituta egongo da politika aurrerakoiak bultzatzen dituen formula arrakastatsu horrekin. Behar den denbora guztia.#2añosmasdeizquierdautil pic.twitter.com/j9DZytLBGa — Eneko Andueza (@enekoandueza) June 6, 2026 Aberastasuna eta oparotasuna sortzeko erakundeei egonkortasuna emateak duen garrantzia azpimarratu du Eneko Anduezak, eta Euskadiren onerako ziren akordioak lortzeko orduan sozialistek eskua luzaturik nola izan duten nabarmendu du. “Kolaboraziorako gure borondatea zenbait diferentzien gainetik dago”, adierazi du PSE-EEko idazkari nagusiak, eta horren adibide gisara jarri ditu Etxebizitza arloko Premiazko Neurrien Legearekin, hiru batzar nagusietan zerga-erreformari buruz edota Bilboko Metroaren 4. lineari buruz lortu izan diren akordioak. Dena dela, PSE-EE beti “askatasunez” adieraziko dela esan du Anduezak, langileen eskubideen defentsan gertatzen den bezala. “Saihestu egin behar dugu gizartearen zati bati euskara ulertzeko modu jakin bat inposatzea”, adierazi du bi alderdi horiek Administrazioko euskara eskakizunei buruz lortu nahi duten akordioaren gainean. “Eta eskubideentzako euskara langa bat ez izatea defendatuko dugu, gure identitatearen eta gure kulturaren parte dela baizik”, adierazi du. Etxebizitza eta Hiri Agenda sailburuak, Denis Itxasok, PSE-EEren koherentzia eta iragartzeko duen gaitasuna defendatu ditu, eta haren hauteskunde-programak dagoeneko iragarri zuela, orain dela urte batzuk, etxebizitzaren arazoak izango zuen bilakaera. Horren haritik, esan du sozialistek denbora daramatela neurri ugari bultzatzen, herritarrengan eragin zuzena dutenak. “Euskadin ez da sekula egon alokairurako orain bezainbeste etxebizitzarik, eta hori PSE-EEk bultzatutako zerga-erreformari zor zaio, etxebizitza alokairuan jarri zuten jabeei desgrabazioak eta pizgarriak eskainita”, azaldu du Itxasok. Maria Jesus San Jose Justizia eta Giza Eskubideen sailburuak, bere aldetik, esan du memoriarik gabe ez dagoela ez justiziarik, ez erreparaziorik, ez egiarik, ez bizikidetzarik. “Guk biktimak jartzen ditugu erdigunean, hurbiltasunean, entzute-ariketan eta laguntasunean oinarritutako lan isil, diskretu eta konfidentzial baten bidez, ez bakarrik biktimentzat, baita horien senideentzat ere. Turismo, Merkataritza eta Kontsumo sailburuak, Javier Hurtadok, tasa turiskoak lortu duen arrakasta aldeztu du, sozialisten bulkadari esker errealitate bat izango dena. Tasa horri esker, Euskadik “abangoardian jarraitzen du eta Europako gainerako herriekin homologatzen da”. “Beste alderdi batzuk ez bezala –esan du–, guk sektorea indartzearen aldeko apustu egiten dugu, zerga homogeneo nahiz piskanakako bat aplikatuz”. Mugikortasun Jasangarriko sailburuak, Susana Garcia Chuecak, sare sozialek herritarrekin zuzeneko komunikaziorako betetzen duten eginkizuna azaldu du, “zero kilometroko komunikazioa” deritzona, alegia. “Atsegina ematen digu politikara dedikatzen garenok zer eta nola egiten dugunaren kontu eman ahal izatea”, adierazi du. Garcia Chuecak garraio-sistemetan 12 urtetik beherakoentzako den hobari eta doakotasuneko politika defendatu du, “egiturazko neurri bat, geratzeko etorri dena”, adierazi du. Eta autoa etxean utzi nahi bada erabiltzaileek “garraio jasangarri, efiziente eta kalitateko batez gozatzeko aukera” izan beharko dutela azpimarratu du, eta bidaiarien gehien-gehiena ikastera edo lanera doan jendea dela. Halaber, Donostiako Topoan, Lezo-Gaintxurrizketa plataforma logistikoan, tranbia Zabalganako auzora luzatzean edo Bilboko Metroaren 4. Lineako akordioaren berrikuntzak azaldu ditu. Mikel Torres lehendakariorde eta Ekonomia eta Enplegu sailburuak dio euskal ekonomia “sendo” dagoela eta joera ona ari dela erakusten “egiten ari garen politikei esker”. Eta Euskadiko gobernuetan PSE-EEk parte hartu izanaren garrantzia nabarmendu du. “Funtsezko pieza bat izan gara, gu gabe ez zelako egongo politika baliagarriei begirako aurrerapenik. Ezberdinen artean akordioak lortzeko gaude gu hemen”, esan du. “Hori bai, elkarrekin gobernatzen badugu, elkarrekin erabakiko dugu”, esan du. Sun, 28 Jun 2026 03:41:00 GMT http://www.socialistasvascos.com/nodo.php?lang=2&tipo=2&ID=31136 Bihar, ekainak 5, egingo den Ingurumenaren Munduko Egunaren harira, PSE-EEk klimaren emergentziari trantsizio energetikoaren bidez eta Euskadi iraunkorrago, modernoago eta bidezkoago bat eraikita aurre egiteko duen konpromiso irmo eta zalantzarik gabea berresten du: gure lurraldeari, geure hiriei, geure herriei, gure ingurune naturalari, osasun publikoari, eta gure ekonomiaren sektore ekonomiko estrategikoei eragiten dion errealitate bat da, izan. PSE-EEko Trantsizio Energetikoaren eta Aldaketa Klimatikoaren idazkariak, Daniel Senderosek, esan du ekonomia munduan beharrezkoa dela “ingurumen-jasangarritasuna, industriaren garapena eta justizia soziala uztartuko dituen trantsizio ekologiko bat”. “Kalitateko enplegua sortuko duen eta kanpoko gure mendekotasun energetikoa murriztuko duen eredu energetiko garbi, efiziente eta lehiakor baten alde gaude, Euskadiren autonomia estrategikoa handituz”, azaldu du. Euskal Sozialistok politika jakin batzuk bultzatu izan ditugu energia berriztagarrien garapena azkartzeko, mugikortasun jasangarria sustatzeko, efizientzia energetikoan urratsak emateko eta gure industriaren deskarbonizazioa bultzatzeko. Aurrerabide ekonomikoa eta ingurumenaren babesa eskutik joan behar direnaren uste sendotik egin izan dugu hori. “Baina batzuk konponbide errealak sustatzeko lan egiten dugun bitartean, Euskadiko beste alderdi politiko batzuek geldotasunari, blokeoari edo oportunismoari emanik dira. Gure herrialdearen etorkizun energetikoa bermatzeko beharrezkoak diren proiektu estrategikoak ukatuz jarraitzen dute batzuek beste batzuek, berriz, diskurtso ekologistak erabiltzen dituzte alderdikeriaren tresna gisara, alternatiba bideragarririk eskaini gabe eta beren gain kudeaketaren erantzukizunik hartu gabe”, adierazi du. Trantsizio energetikoa lurraldea errespetatuz eta ingurumen-oreka bermatuz egin behar da, baina baita zorroztasun teknikoa eta etorkizunera begirako ikuspegia ere erabilita. Ezer ez egiteak ere ondorioak dakartza. Erabaki estrategikoak atzeratzeak lehiakortasuna, industriako aukerak, klimaren emergentziari erantzuteko gaitasuna, autonomia estrategikoa eta gure osasunaren gaineko babesa galtzea dakartza. PSE-EEk lanean jarraituko du trantsizio ekologiko bidezko, anbiziotsu eta herritarren ongizatearekin eta gure industria indartzearekin bateragarri izango denaren aldekoa lideratzeko, ingurumena zaintzeak, gaur egun, erabaki ausartak hartzea esan nahi duelako Euskadiko hurrengo belaunaldien etorkizuna bermatze aldera. Tue, 23 Jun 2026 09:11:00 GMT http://www.socialistasvascos.com/nodo.php?lang=2&tipo=2&ID=31127 PSE-EEko idazkari nagusi eta legebiltzar bozeramaileak, Eneko Anduezak, Jarduera Ekonomikoa Sinplifikatzeko eta Arintzeko Premiazko Neurriei Buruzko Lege Proposamenak Euskadiren jarduera ekonomikorako eta inbertsio estrategikoak erakartzeari begira lehiakorra izateko duen garrantzia azpimarratu du gaur. Lege-proposamen hori Euskal Ganberan erregistratu izan da EAJ-PNV taldearekin batera. “Etxebizitzarekin orain dela hilabete batzuk egin genuen era berean, hau da, bizitegi-merkatua eraldatzeko premiazko neurrien lege bat aktibatu genuenean, formula hori orain Euskadiren jarduera ekonomikoa bultzatzeko erabiltzen dugu inbertsio estrategikoak erakartzeko inguruko beste ekonomia batzuekin –horietako askok badituzte, dagoeneko, honen antzeko lege batzuk– lehiatzeko aukera emango digun lege batekin. Eneko Anduezak ekimena Aitor Esteban alderdi nazionalistako presidentearekin batera aurkeztu du, eta esan du arau berria “eragile ekonomikoek beren proiektuak gauza ditzaten erakundeek haien eskura tresnarik onenak” jarri behar dituztenaren “uste sendotik” sortu dela. Baina “itzulkin sozial eta ekonomikoari, trantsizio ekologikoaren eskakizunei eta kalitateko enplegua zaintzeko beharrari begia kendu gabe, betiere”. Horren haritik, esan du kontu horiek, Sozialistentzat, funtsezkoak direla eta beti presente egon behar direla jarduera ekonomiko osoan. Anduezarentzat, “industria ez da produkzioa bakarrik, enplegu egonkorraren, gizarte-berrikuntzaren eta lurralde-kohesioaren iturri ere izan behar du”. Jarduera Ekonomikorako Premiazko Neurriei buruzko Legeak bultzatu egingo du #Euskadi-k inbertsio estrategikoak erakartzeko duen lehiakortasuna. Ekimen horrek azkartu egingo du proiektuen tramitazioa, itzulkin sozial eta ekonomikoari, trantsizio ekologikoaren eskakizunei eta kalitateko… pic.twitter.com/3Dcj6pmJEb — Eneko Andueza (@enekoandueza) June 4, 2026  “Instalazio ekonomiko berriek osatu behar dituzten –karga burokratikoak murriztuta, proiektu estrategiko horien tramitazioa azkartzeari bide emanez– prozedura administratiboak modernizatzen dituen” arauaren edukia xehatu du buruzagi sozialistak. “Hori guztia, iraunkortasun sozial, ekonomiko nola ingurumenekoaren bermearen premisarekin, segurtasun juridikoa, parte-hartze publikoa eta ingurumen- zein gizarte-eskakizunen betearazpenerako kontrola indartzearen bidez”, azaldu du. Ildo horretan, esan du arauak biltzen diren neurriek “azkartze” bat dakartela, ez dakartela “deserregulazio bat”. “Ez dio ukitzen Euskadik ingurumena babesteko dituen estandarren betearazpenari eta Estatuko zein Europako bermeen esparrua oso-osorik errespetatzeari”. Anduezak Goi-mailako Interes Publikoko Proiektuei kapitulu bat eskaini dio bere jardunaren amaieran. Legeak, izan ere, esparru berezi bat arautzen du halakoentzat. Trantsizio energetikoari, ekonomia zirkularrari edo energia sortzeko azpiegiturei lotutako ekimenak dira. “Proiektu horiek ikuspegi integratu baten eta epe laburtu batzuen bidez izapidetuko dira, eta Gobernu Kontseiluaren eskumena izango da horiek onartzea. Ekimen pribatuak aurkeztutakoak badira, itzulkin ekonomiko eta sozial bat izatea eskatuko zaie horien sustatzaileei, helburu zehatz eta neurgarriekin, eta horiei baimena kentzeko aukera egongo da betekizun hori ez badute betetzen”, esan du. Tue, 23 Jun 2026 09:10:00 GMT http://www.socialistasvascos.com/nodo.php?lang=2&tipo=2&ID=31088 PSE-EEko idazkari nagusiak, Eneko Anduezak, Fernando Buesaren figurak egungo euskal sozialismoarentzat duen garrantzia azpimarratu du, eta esan du ETAk 2000. urtean Jorge Diez haren bizkartzainarekin batera eraildako buruzagi arabarraren idealak bizi-bizirik jarraitzen dutela mehatxuen arren. “Haren borondatea eta erabakimena ez digute kenduko alde bateko edo besteko abertzaleek. Indar hori ez digute kenduko eskuinak zein eskuin muturrak, horiek soinez soin asko arituagatik ere”, adierazi du. Buruzagi sozialistak nabarmendu duenez, hori izan da sozialistek historian zehar izan duten jarrera, eta halaxe jarraituko du izaten. “Urrats bat aurrera eman dezakeenak, eman dezala ezkerraren politikak defendatzeko, herritarren aldeko politikak aldezteko”, adierazi du. Eta PSE-EEtik “beharrik handienean direnak defendatzen” jarraituko dela nabarmendu du. “Burua goian dela, umiltasunez eta sozialista izatearen harrotasunez egingo dugu beti, sekula ez garelako atzean geratu herri hau eraikitzeko lan egitea egokitu denean”, izan dira haren hitzak. Eta gaineratu du: “Sozialistok identitate-zeinu oso garbiak ditugu, gure DNAn txertatuta daude eta horiexek gidatzen dute gure lana”. “Gure printzipioekin konektatzea bilatzen duten politika horiek dira, printzipio hauekin: askatasuna, justizia soziala, berdintasuna, elkartasuna eta elkarrizketa”. PSE-EEk Araban Fernando Buesa jaio zeneko 80. urteurrenaren harira antolatutako omenaldian, Anduezak haren profilean sakondu du, eta esan du “predikua etsenpluaren bidez” egiten zuen lider bat zela, “bere lurrarekin eta herritarrekin konprometitutako pertsona bat”. “Ezerk ez zuen atzera bultza, ez zuten lortu haren hitza tolestea. Ezta terrorismoaren itzala bizi osoan izanagatik ere”, gogoratu du. Fernando Buesaren irmotasuna gaur Euskal Sozialistak mugiarazten gaituen berbera da. Eta indar hori, borondate hori eta erabakimen hori ez digute kenduko alde bateko edo besteko abertzaleek. Indar hori ez digute kenduko eskuinak zein eskuin muturrak, horiek soinez soin... pic.twitter.com/vMjmCJNlds — Eneko Andueza (@enekoandueza) May 30, 2026 “Fernandok ezin izan zuen martxan jarri bakean izango zen Euskadi batez amesten zuen guzti hura. ETAren terrorearen itzalpean bizi eta garatu behar izan zuen bere ibilbide politiko guztia. Baina, hala eta guzti, milimetro bat ere ez zuen atzera egin. Indarkeriaren eta terrorismoaren amaiera eskatu zuen etenik gabe. Eta independentismoari haren ameskeria subiranistak logika eztabaidaezin batez lurrera jaitsiz, errealitatera ekarriz egin zion aurre. “Gorroto diskurtsoen” kontra Topaketa, zinez, Buesaren ibilbide politiko eta pertsonal osoan nabarmendu ziren bizikidetzaren, pluralismoaren eta askatasunaren balioen aldarrikapena izan da. Hitzorduak militante eta zale sozialistak, erakundeetako ordezkariak, senideak eta euskal sozialismoaren eta terrorismoaren aurka demokraziaren defendatzeko ahotsik garrantzitsuenetako izan zena gogoratu nahi izan duten herritarrak bildu izan ditu Gasteizko Memoriaren enparantzan. “Hitzaren balioa: ondare sozialista” izenburupean egin den omenaldian, irakurketa publiko bat egin da Fernando Buesaren diskurtsoen testu eta zatiekin, eta militanteek, kargu publikoek eta arabar sozialismoari lotutako hainbat pertsonek irakurri dituzte. Sokako hirukote batek girotu du ekitaldia, eta Fernando Buesaren parte-hartze politikoa jasotzen zuen ikusentzunezko zati bat bota da. Javier Hurtadok Buesaren figura aldarrikatu du bere hitzaldian, esanez “politika onaren erreferentea” zela, “komunitatearentzako zerbitzu gisara, bizikidetza defendatzen duena eta aurkari politikoa inoiz ezin dela izan arerio bat ulertuz praktikatzen dena”. Arabako PSE-EEko idazkari nagusiak, halaber, Buesaren pentsamenduak oraindik ere duen indarra nabarmendu du “gorroto diskurtsoak, polarizazioa eta politika etengabeko lubaki batean bihurtu nahi dutenak gero eta gehiago direnean”.  Hurtadoren esanetan, Fernando Buesa aldarrikatzea “beti soseguz eta irmotasunez defendatu izan zituen sozialismoaren balio unibertsalak aldarrikatzea da: bakea eta askatasuna, justizia soziala, berdintasuna, guztientzako aukerak, mestizaia, aniztasuna eta edonork beste era batera pentsatzeko aukera izan dezakeen Euskadi plural bat”. Eta ondare hori belaunaldi berriei helaraztearen garrantzia ere nabarmendu du: “Memoria demokratikoa ez da iraganari atxikirik bizitzea, da nondik gatozen jakitea nora joan nahi dugun jakiteko”. Egin diren irakurketekin, Fernando Buesaren pentsamendu politiko eta humanistaren zati bat ekarri dute gogora, eta hitzaren erabileran, errespetuan eta bizikidetzan oinarritutako politika ulertzeko era bat aldarrikatzeko ere baliatu izan da. Omenaldi horren bidez, Arabako PSE-EEk hauxe eman nahi izan du aditzera: Fernando Buesaren figura Euskadiko memoria demokratikoaren funtsezko parte izaten jarraitzen duela, gizarte plural, aske eta ireki bat defendatzen dutenentzako erreferentzia etiko eta politiko bat izaten jarraitzen duela. Wed, 17 Jun 2026 12:39:00 GMT