partekatu
• ZUZENKETAK
OSOKO ZUZENKETA aurkezten diote Legez Besteko Proposamenari, Emakume Nekazarien Estatutua martxan jartzeko Jaurlaritzak hartu beharreko neurriei buruz. [11/11/03/00/0066]
Behean sinatzen duten legebiltzar-taldeek, Ganberan indarrean dagoen Erregelamenduaz baliatuz, ondorengo OSOKO ZUZENKETA aurkezten diote Legez Besteko Proposamenari, Emakume Nekazarien Estatutua martxan jartzeko Jaurlaritzak hartu beharreko neurriei buruz. [11/11/03/00/0066]
OSOKO ZUZENKETA
- Eusko Legebiltzarrak Eusko Jaurlaritzari eskatzen dio definitu ditzala Emakume Nekazarien Estatutua abian jartzeko sortutako lau taldeetako (Ustiapenen Erregistroko Taldea / Estatutua Ikusgai egiteko Taldea / Formakuntza Taldea / Talde Juridikoa) bakoitzaren helburuak, hala nola 2018. ekitaldiari dagokion ekintza-plana, bere aurrekontu-aurreikuspenaz.
- Eusko Legebiltzarrak Eusko Jaurlaritzari eskatzen dio sustatu dezala Estatutuaren ikusgaitasuna nekazal eremuan diharduten elkarte edo erakunde profesional, enpresarial, sindikal edo beste edonolakoetan; eta sustatu dezala emakumeek presentzia orekatua izateko beharraren ikusgaitasuna ere, Estatutuko 19. artikulua betez. Horretarako, sentsibilizazio-kanpainak egin ditzala eta aurrekontua jar diezaiela.
- Eusko Legebiltzarrak Eusko Jaurlaritzari eskatzen dio koordinazio-organoa sor dezala Emakume Nekazarien Estatutuaren Jarraipen Batzordearen eta Euskadiko Landa eremuko Emakumeen Elkartearen artean. Helburua da sinergiak eta hobekuntza-gune bateratuak ezartzea, topaketarako eremu bat eta tresnak eskainiz, beharrezko neurriak ahalbidetze aldera, Euskadiko nekazal sektoreko eta landa inguruko emakume eta gizonen tratu- eta aukera-berdintasuna lortze aldera.
