partekatu
• AHOZKO GALDERA
Euskadin kalitatezko enpleguan aurrera egiteko neurri berritzaile berriak
Otsailaren 16an eta 17an, Iseak Fundazioak eta Eusko Jaurlaritzako Lan eta Enplegu Sailak "WORKINLan Summit-El empleo en la Euskadi que seremos" nazioarteko goi-bilera antolatu zuten Bilbon, nazioarteko bikaintasuneko maila instituzional, eragile sozial eta ekonomiko eta akademiko guztien parte-hartzearekin. Bertan, Euskadiko Enpleguaren Liburu Zuria aurkeztu zen eta gai horri buruzko analisiak eta hausnarketak kontrastatu ziren.
Inaugurazio ekitaldian, Lehendakariordeak inertziak eta aurreiritziak astintzeko eta gizarte gisa ditugun erronka handiei aurre egiteko berrikuntzak egitera ausartzeko eskatu zien parte-hartzaile guztiei.
Legegintzaldi honetan hogei bat programa berritzaile saiatu eta indartu dira orientazio horrekin, baina, nazioarteko topaketa horren ondoren, "Socialistas Vascos-EuskalSozialistak" Legebiltzar Taldeak honako GALDERA hau planteatzen dio lehendakariordeari OSOKO BILKURAN AHOZ ERANTZUTEKO:
• Neurri berritzaile berriak planteatuko dituzu Euskadin kalitatezko enpleguan aurrera egiteko?
