partekatu
• ZUZENKETAK
OSOKO ZUZENKETA lurzoruaren klausulengatik kaltetutako herritarrei dirua itzultzeko beharrezkoak diren izapideak errazteari buruzko legez besteko proposamenari. [11\11\02\01\0121]
Behean sinatzen duten Legebiltzarreko taldeek, indarrean dagoen Ganbarako Erregelamenduaren babespean, OSOKO ZUZENKETA hau aurkeztu diote lurzoruaren klausulengatik kaltetutako herritarrei dirua itzultzeko beharrezkoak diren izapideak errazteari buruzko legez besteko proposamenari. [11\11\02\01\0121]
OSOKO ZUZENKETA
- Eusko Legebiltzarrak Espainiako Gobernuari eskatzen dio kreditu erakundeei buruzko kontrol mekanismoak sustatzea, urtarrilaren 20ko 1/2017 Errege Dekretuak arautzen dituen klausulen esparruan kontsumitzaileak babesteko premiazko neurrien betetze maila ezagutzeko.
- Eusko Legebiltzarrak Gorte Nagusiei eskatzen die Hipotekaren Legea ahalik eta azkarren aldatzea, hipotekak kontratatzean, gardentasuna hobetu ahal izateko. Hala, kontsumitzaileak babestuko ditu, gerora begira antzeko egoerarik gerta ez dadin.
- Eusko Legebiltzarrak Eusko Jaurlaritzari eskatzen dio Kontsumobideren bidez aholkularitza neurriak inplementatzen jarraitzea, lurzoruaren klausulak itzultzearekin lotuta erreklamazioen berri eman ahal izateko.
- Eusko Legebiltzarrak Foru Aldundiei eskatzen die zergapekoen arretarako zerbitzuen bidez “lurzoruaren klausulen” ondorioz jasotako zenbatekoen tratamendu fiskalaren berri emateko.