partekatu
• ZUZENKETAK
OSOKO ZUZENKETA hau aurkezten diote Legez Besteko Proposamenari, Enpresetarako berdintasun-ziurtagiri bat sortzeari buruz. Horretarako, indarrean dagoen Erregelamenduaz baliatu dira. [11/11/02/01/0369]
Behean sinatzen duten legebiltzar-taldeek honako OSOKO ZUZENKETA hau aurkezten diote Legez Besteko Proposamenari, Enpresetarako berdintasun-ziurtagiri bat sortzeari buruz. Horretarako, indarrean dagoen Erregelamenduaz baliatu dira. [11/11/02/01/0369]
OSOKO ZUZENKETA:
Eusko Legebiltzarrak Eusko Jaurlaritzari eskatzen dio babesa ematen jarrai dezala enpresek bere baitan berdintasunerako diagnostikoak eta planak egin ditzaten, ahalbidetuko dutenak aurrera egitea enpresa-eremuan berdintasuna txertatzen. Era berean, eskatzen dio bideak esploratu ditzala, ahalbidetuko dutenak plan horietan aurreikusitako ekintzak abian jartzea babestea, kontziliazio arduratsua posible egite aldera.
Halaber, enpresa-ehunearen aniztasuna dela eta, eskatzen dio lanean jarrai dezala berdintasunaren aitortzarekin, “Emakumeen eta Gizonen Berdintasunerako Lankidetza Erakundea” gisa ezagutzen dena, otsailaren 11ko 11/2014 Dekretuak araututakoa eta Emakundek kudeatutakoa, hala nola aurrera egin dezala enpresetan berdintasunaren alde lan egitea bermatuko duten beste neurri batzuen aplikazioan, adibidez, kontratazio publikoan berdintasun-klausula gehiago txertatuta.