partekatu
• ZUZENKETAK
OSOKO ZUZENKETA hau aurkezten diote legez besteko proposamenari, Gizarte Segurantzaren erregimen ekonomikoaren eskualdatzearen oinarri eta norabideari buruz. Horretarako indarrean dagoen erregelamenduaz baliatu dira. [11/11/02/01/0224]
Behean sinatzen duten legebiltzar-taldeek honako OSOKO ZUZENKETA hau aurkezten diote legez besteko proposamenari, Gizarte Segurantzaren erregimen ekonomikoaren eskualdatzearen oinarri eta norabideari buruz. Horretarako indarrean dagoen erregelamenduaz baliatu dira. [11/11/02/01/0224]
OSOKO ZUZENKETA:
- Eusko Legebiltzarrak positiboki baloratzen du Gernikako Estatutuak eman eta ematen duena, Euskadin kontzientzia demokratikoaren tresna egituratzaile gisa eta euskal gizartearen ongizate-iturri gisa, indarrean dagoen autogobernua eguneratzeko apustua kaltetu gabe.
- Eusko Legebiltzarrak berretsi egiten du beharrezkoa dela Gernikako Estatutua goitik behera betetzea. Ondorioz, espainiar Gobernuari eskatzen dio, gehiago atzeratu gabe, eskualdatze-prozesua amaitu dezala.
- Eusko Legebiltzarrak Eusko Jaurlaritzari eskatzen dio espainiar Gobernuarekin ezarri beharreko aldebiko harremanen agendan lehentasuneko lekua eman diezaiola Eusko Jaurlaritzak jasotzeke gisa identifikatutako transferentzien aldarrikapen eta negoziazioari, eta leku berezia eman diezaiola Gizarte Segurantzaren erregimen ekonomikoaren kudeaketari, Gernikako Estatutuaren bosgarren Xedapen Iragankorrean jasotako moduan.
