partekatu
• ZUZENKETAK
OSOKO ZUZENKETA diru-sarrerak bermatzeko errentaren prestazioari eta eskubide subjektiboari ospea emateko eta ezagutarazteko kanpaina indartsua egiteari buruzko legez besteko proposamenari. [11\11\02\01\0127]
Behean sinatzen duten Legebiltzarreko taldeek OSOKO ZUZENKETA hau aurkezten diote diru-sarrerak bermatzeko errentaren prestazioari eta eskubide subjektiboari ospea emateko eta ezagutarazteko kanpaina indartsua egiteari buruzko legez besteko proposamenari. [11\11\02\01\0127]
OSOKO ZUZENKETA
1.- Eusko Legebiltzarrak onartzen du diru-sarrerak bermatzeko eta gizarteratzeko Euskadiko sistema euskal herritarren solidaritateari esker eraiki dela.
2.- Eusko Legebiltzarrak diskurtso arduratsuak eta bateratzaileak sortzeko konpromisoa hartzen du. Hala, gorrotoa, arrazismoa edo xenofobia eragiten duten diskurtsoak saihestuko ditu.
3.- Eusko Legebiltzarrak Eusko Jaurlaritzari eskatzen dio diskurtso bateratzaileak eta inklusiboak erabiltzen jarraitzea, hizkera arrazistaren eta xenofoboaren erabilera saihestuz eta salatuz.
4.- Eusko Legebiltzarrak Eusko Jaurlaritzari eskatzen dio Ikuspegiren eginkizuna bultzatzen jarraitzea eta bere ikerketak eta txostenak ahalik eta gehien zabaltzea.
5.- Eusko Legebiltzarrak Eusko Jaurlaritzari eskatzen dio diru-sarrerak bermatzeko eta gizarteratzeko sistema sendotzeko eta hobetzeko adostasun zabala lortu ondoren, komunikazio kanpaina bat egin dezala aldaketa horiek ezagutarazteko.