partekatu
• ZUZENKETAK
OSOKO ZUZENKETA hau aurkezten diote legez besteko proposamenari, Langile publikoen erosmen ahalmena berreskuratzeari buruz. Horretarako, indarrean dagoen Erregelamenduaz baliatu dira. [11/11/02/01/0258]
Behean sinatzen duten legebiltzar-taldeek honako OSOKO ZUZENKETA hau aurkezten diote legez besteko proposamenari, Langile publikoen erosmen ahalmena berreskuratzeari buruz. Horretarako, indarrean dagoen Erregelamenduaz baliatu dira. [11/11/02/01/0258]
OSOKO ZUZENKETA
1.- Eusko Legebiltzarrak Eusko Jaurlaritzari eskatzen dio Administrazio Orokorarren Enplegu Planaren esparruan, eta lege-markoak eskaintzen dituen aukeren baitan, enplegu eskaintza publikorako dagozkion deialdiak -langileen ordezkariekin negoziatutakoak- egin ditzala sektore publiko osoarentzat. Helburua da gaur egungo interinitate-tasa altuak baretzea eta datozen urteotarako beharrezko belaunaldi-erreleboa bermatzea.
2.- Eusko Legebiltzarrak Eusko Jaurlaritzari eskatzen dio Mahai Orokorraren baitan, eta indarrean dauden marko legalaren eta aurrekontuaren baitan, langileen ordezkariekin negoziatu ditzala dagozkien soldata-igoerak, bermatuko dutenak zerbitzu publikoak efizientzia-, eraginkortasun- eta kalitate-irizpideak betez ematea, lan- eta diru-baldintza duin eta egonkorrak dituzten langile publikoen bitartez, ondo formatutakoak eta prestatutakoak egungo eta etorkizuneko erronkei aurre egiteko.
