partekatu
• ZUZENKETAK
OSOKO ZUZENKETA hau aurkezten diote legez besteko proposamenari, Zerga erreformari buruz. Horretarako, indarrean dagoen Erregelamenduaz baliatu dira. [11\11\02\01\007]
EUSKO LEGEBILTZARREKO MAHAIARI
Behean sinatzen duten legebiltzar-taldeek honako OSOKO ZUZENKETA hau aurkezten diote legez besteko proposamenari, Zerga erreformari buruz. Horretarako, indarrean dagoen Erregelamenduaz baliatu dira. [11\11\02\01\007]
OSOKO ZUZENKETA
- Eusko Legebiltzarrak uste du beharrezkoa dela zerga-sistema bidezkoa, progresiboa eta nahikoa mantentzea. Horretarako, beharrezkoa da politika fiskal eta finantzarioa sustatzea hazkundearen eta elkartasunaren zerbitzura, Euskadiko Zerga Koordinaziorako Organotik beharrezko arau fiskalak eguneratzea bultzatuz, jarduera ekonomikoa, berrikuntza eta enplegua sustatzeko, hala nola funtsezko zerbitzu publikoak eta politika sozialak mantentzeko.
- Eskumena duten erakundeek edozein zerga-aldaketa onartu aurretik, Eusko Legebiltzarrak fiskalitateari buruzko bilkura monografiko bat egingo du. Helburua da Euskadiko Autonomia Erkidego osoko politika fiskala ebaluatzea, orientatzea eta bateratzea.