partekatu
• ZUZENKETAK
OSOKO ZUZENKETA hau aurkezten diote legez besteko proposamenari, Enplegagarritasunaren helburua bete dezan Lanbide-Euskal Enplegu Zerbitzua erreformatzeko plan bat egiteari buruz. Horretarako, indarrean dagoen Erregelamenduaz baliatu da. [11\11\02\01\0004]
EUSKO LEGEBILTZARREKO MAHAIARI
Behean sinatzen duten legebiltzar-taldeek honako OSOKO ZUZENKETA hau aurkezten diote legez besteko proposamenari, Enplegagarritasunaren helburua bete dezan Lanbide-Euskal Enplegu Zerbitzua erreformatzeko plan bat egiteari buruz. Horretarako, indarrean dagoen Erregelamenduaz baliatu da. [11\11\02\01\0004]
OSOKO ZUZENKETA
Eusko Legebiltzarrak, Lanbide berrizteari eta modernizatzeari dagokionez, Eusko Jaurlaritzari eskatzen dio:
1.- Lanbide enplegu zerbitzu publikoa berriztu eta eraberritzeari ekin diezaiola. Horretarako, ezar diezazkiola orientaziorako, formakuntzarako eta lan-merkatuan sartzeko funtzioak indartuko dituzten erramintak. Hori guztia, lehentasuna emanez zailtasun nagusiak dituzten kolektiboei lana bilatzen laguntzeari eta laneratzeko ibilbide indibidualizatuak diseinatzeari.
2.- Berrantolaketa honetan gizarte zerbitzuekin elkarlanari hel diezaiola, izaera sozialeko prestazio ekonomikoak ebaluatzeko eta kudeatzeko. Helburua da hartzaile diren pertsonen lan-aktibazioa eta –integrazioa optimizatzea, gizarte-bazterketa egoeren kronifikazioa ekiditeko.
3.- Eragile sozial eta ekonomikoekin akordio bat bilatzea, Lanbideren berrizte eta eraberritzean adostasun zabala bermatze aldera.