partekatu
Idoia Mendia: “Europa gehiago nahi dugu eskubide gehiago, askatasun gehiago, segurtasun gehiago, aurrerabide gehiago eta kohesio gehiago nahi ditugulako”
Eneko Anduezak eskuinaren eta eskuin muturraren estrategiaz eta hori borrokatzeko beste proposamen politiko batzuen baliagarritasun ezaz ohartarazi du
Europako Parlamenturako hautagaiak, Idoia Mendiak, esan du sozialismorik gabe Europaren proiektuak ez duela aurrera egingo askatasun eta aurrerabide gehiago eskatzen duen gizarte batek behar duen moduan. “Ageriko kontua da: Europarik gabe babesgabe gaude. Horixe da ekainaren 9an bozkatzen dena. Europa gehiago behar dugu, eta Europak sozialismoa behar du. Sozialismorik gabe ez da Europa Gehiago egongo, ezta elkartasunik eta publikotasunaren bermerik ere. Trump Gure zibilizazio eta bizikidetza erari eraso bat dago hor kanpoan. Horixe erasotzen dute hain zuzen, ultren Troiako zaldiarekin eta PPren konplizitate pasiboarekin. Eta sozialistek hau esaten diegu: Europa gehiago nahi dugu eskubide gehiago, askatasun gehiago, segurtasun gehiago, aurrerabide gehiago eta kohesio gehiago nahi ditugulako”, adierazi du.
Eibarren Eneko Anduezarekin eta Jon Iraola alkatearekin batera eman duen mitin batean, Feijooren PPk eta Europako popularrek hamarkadetako kontsentsuak hautsi eta eskuin muturra bilatuz duten estrategiaz ohartarazi du buruzagi sozialistak. “Aurrerapen guzti horiek ezin dira ezerezean geratu Europako Batzordearen atea eskuin muturrari zabaltzen diotelako. Uko egiten diogu Europak bere historiako unerik garrantzitsuenean partida galtzeari. Uko egiten diogu ezagutu izan dugun mundua oihaneko legean bihurtzeari. Itxaropenean eralda daiteke eskuin muturrak elikatzen duen beldur guztia, egoera oso zailetan elkarrekin batera aurrera egin izan dugulako, pandemian, esaterako. Posible da hori Alderdi Sozialistari boto masiboa emanez”, adierazi du.
PSE-EEko idazkari nagusiak, Eneko Anduezak, bestalde, sozialistak indartsuago izateko eta eskuina eta eskuin muturra prestatzen ari diren aliantzari aurre egin ahal izateko botoa eskatu du datozen europar hauteskundeetan. Eta botoa kontzentratzera gonbidatu ditu euskaldunak, Europako popularren eta ultren estrategia borrokatzeko balioko ez duten aukerei eman beharrean.
#E9 honetan galga jarri beharra dago Europa eta mundu osoa gorrotoz bustitzen ari den eskuinari zein eskuin muturrari. Eta Alderdi Sozialista da olatu erreakzionario horri eutsi diezaiokeen alderdi bakarra.
Gure helburua Europa indartsuago eta bidezkoago bat eraikitzea da.… pic.twitter.com/ur24UhDfu3
— Eneko Andueza (@enekoandueza) May 29, 2024
“Horixe da orain bertan dugun erronka nagusiena, hots, Europa hobeago bat, hazten joango den Europa bat posible egitea, eta Europa eta mundu osoa gorrotoz bustitzen ari diren eskuin zein eskuin muturrari galga jartzea. Orain dela hamarkada bat gehiago izan genuen eskuinaren erantzunen berri boterera heltzen direnean eta gauzak zatar jartzen direnean, eta orain alderatzeko aukera daukagu, pandemia eta inflazioaren eragina bizi izan dugunean. Ez dugu nahastu behar, badakigu hauteskundeotan batzuek bereari emanik jarraitzen dutela, beren subiranotasunari, beren independentziari, identitate auzietan, etsaia ate-joka duela konturatu gabe. Horixe da erronka, PSOE bakarrik da gauza eskuin hori eta eskuin mutur hori geratzeko, ez EAJ, ez Bildu, ez Sumar, ezta Ahal Dugu ere. Gu bakarrik gara hori egiteko gauza”, azaldu du.
Jon Iraola Eibarko alkateak, bere aldetik, Gaza bezalako kontuetan eskuinak eta eskuin muturrak duten posizioa eta horrek Europako hauteskundeetan nazio eta toki mailan dakartzan ondorioak ekarri ditu gogora. Eta gipuzkoarra bezalako herrietan Next funtsek ekarri dituzten ondorioak azpimarratu ditu, adinekoen zentroetan egindako inbertsioekin edo trenbideak estaltzea bezalako beste batzuekin.
