Web gune honek cookieak erabiltzen ditu, propioak eta beste batzurenak. Nabigatzen jarraituz gero gure cookien politika onartzen duzula ulertzen da.
PSE EUSKADI

PSE-EE PSOE Socialistas Vascos

Dokumentuak

partekatu  partekatu

  •   OSOKO ZUZENKETA

Jaurlaritzak EAEko lehen sektorean erreleboa sustatzeko dituen asmoei buruz

1.Eusko Legebiltzarrak Eusko Jaurlaritzari eskatzen dio, foru-aldundiekin, udalekin, nekazaritza-sektorearekin eta landa-garapenarekin lotutako eragileekin lankidetzan, diagnostiko bat egin dezala hurrengo hamarkadarako aurreikusten diren belaunaldi-erreleborako aukerei buruz, bai erretiroagatik, bai jarduera eskualdatzeko edo uzteko beharragatik, eta datu-base bat ezar dezala lurralde historiko bakoitzean belaunaldi-erreleborik aurreikusten ez den ustiategi aktiboekin.

2.Eusko Legebiltzarrak Eusko Jaurlaritzari eskatzen dio, foru-aldundiekin, Lanbide-Euskal Enplegu Zerbitzuarekin, Hazi Fundazioarekin, tokiko erakundeekin eta nekazaritza-sektorearekin eta landa-garapenarekin lotutako eragileekin lankidetzan, LEADER ekimenetik laguntza eman diezaiotela belaunaldien arteko erreleboa erraztuko duten nekazaritzako test-guneen proiektu pilotuak garatzeko eta abian jarizeko.

3.Eusko Legebiltzarrak Eusko Jaurlaritzari eskatzen dio, foru-aldundiekin, udalekin, nekazaritza-sektorearekin eta landa-garapenarekin lotutako eragileekin lankidetzan, Nekazari Gazteen Estatutuari buruzko otsailaren 4ko 8/2014 Dekretua eguneratzeari ekin diezaiola, gure lehen sektorean indarrean dagoen zahartzeegoerara egokitzeko, eta nekazari gazteen ezarpena bultzatzeko tresna eta erraminta egokienak bideratzeko.