partekatu
• ZUZENKETAK
Hezkuntza-sistemarako urgentziazko neurriak hartzeari buruz
OSOKO ZUZENKETA
Eusko Legebiltzarrak honako hau eskatzen dio Hezkuntza Sailari:
- Ikasturte hasierako protokoloak egoera epidemiologikoaren arabera egokitzen, argitzen eta moldatzen jarraitzea, hezkuntza-komunitatearekin elkarrizketa etengabean, Osasun Sailarekin koordinatuta, Euskadiko ikastetxeetan hezkuntza-eskubidea modu presentzialean bermatzeko.
- Ikastetxeak giza baliabideez eta baliabide materialez hornitzen jarraitzea, pandemiatik eratorritako beharrei aurre egiteko, ingurune seguru batean profesionalen eta ikasleen segurtasuna eta osasuna bermatzeko.
- Ikastetxe jakin batzuetan berariazko errefortzu-jarduerak zehaztu eta ezartzea, haien espazio-premia gehigarriak zehazteko, haien kontingentzia-planen ezarpenaren arabera.
- Irakaskuntza presentziala etenda egon den bitartean sortutako premiak hautemanda, euskarazko hizkuntza-komunikaziorako gaitasunean, gaitasun digitalean eta autonomia pertsonal eta emozionalarekin lotutako gaitasunetan ikasleentzako berariazko errefortzu-esku-hartzeak definitu eta ezartzea.
5. Hezkuntza-komunitateko eragile eta sektoreekin elkarrizketa eta lankidetza sustatzen jarraitzea, erantzunkidetasunetik abiatuta, euskal hezkuntza-sistemak egoera horri aurre egin ahal izateko adostasunak lortzeko.
