partekatu
• OSOKO ZUZENKETA
Enplegu publikoaren eskaintzen kudeaketa hobetzeari buruz
Erakundeak plantillak egonkortzeko inoiz egin duen prozesurik handienean murgilduta dago Osakidetza. 2018-2019ko LEPek, 2020-2021-2022 LEPek eta 2021eko Egonkortze LEPek 11 mila plaza baino gehiagori eragiten diete, eta bi deialdietako bakoitzean 100 mila pertsona baino gehiago aurkeztu dira. Zenbakien dimentsioak eta ezarritako denbora-baldintzek, lehenik COVIDak, eta, ondoren, prozesuak 2024ko abendua baino lehen burutzeko legezko betebeharrak, Osakidetzarentzat lan administratibo eskerga eragiten dute.
Erronka horretaz jabetuta, Eusko Legebiltzarrak Osasun Sailari eta Osakidetzari eskatzen die jarrai dezatela bi LEPak ebazteko beharrezkoak diren jarduerak egiten, aurreko legealdian Legebiltzarrak finkatutako irizpideei jarraituz, prozesua gardentasun osoz eta parte-hartzaile guztientzat aukera-berdintasunez gara dadin, eta, bereziki, espezialitate bakoitzeko epaimahaien eskumenari eta autoritateari dagokienez.
