partekatu
• AHOZKO GALDERA
Zure sailak duela gutxi Japoniara egindako prospekzio-bidaiaren eta izaera instituzionaleko bisitaren emaitzei buruzkoa.
Norentzat: TURISMO, MERKATARITZA ETA KONTSUMO SAILBURUA.
"Socialistas Vascos-Euskal Sozialistak" legebiltzar-taldeak informazio garrantzitsua lortu nahi du Japoniara egin berri duen bidaia instituzionalari buruz, oso interesgarria iruditzen baitzaigu gure autonomia-erkidegoko turismo-politiken esparruan. Zehazki, bidaia honen emaitzei buruz gehiago jakin nahi genuke, baita Turismoaren Kode Etikoarekin nola lerrokatzen diren ere, gure kulturak, gastronomiak eta ingurune naturalak pizten duten interesa ezagutzen baitute.
Gainera, funtsezkoa da guretzat jakitea ekimen horiek nola laguntzen duten Euskadik helmuga turistiko erakargarri eta iraunkor gisa duen posizioa indartzen, eta, horrez gain, kulturen arteko elkar ulertzea eta Japoniaren eta Euskadiren arteko elkarrekiko errespetua sustatzen.
Horregatik guztiagatik, "Socialistas Vascos- Euskal Sozialistak" legebiltzar-taldeak AHOZKO GALDERA hau planteatu du OSOKO BILKURAN, sailburuak erantzun dezan:
• Zer balorazio egiten duzu Japoniara egindako bisita instituzionalaz, Turismo, Merkataritza eta Kontsumo Sailari dagokionez?
