partekatu
Aroa Jilete: “Sinetsarazi nahi dute gobernu nazionalista edo independentista bat bakarrik dela posible, baina ez da horrela, sozialistek euskal proces bat saihestuko dugu”
Arabako hautagaiak botoa eskatu du aurreko hauteskundeetan Maider Etxebarriarengan eta Pedro Sanchezengan konfiantza jarri zutenei, Euskadik lehendakari sozialista bat izan dezan
Maider Etxebarria: ”Herritarrak benetako ezkerra, ezker baliagarria, konponbideak eskaintzen dituena, eztabaida antzuak baztertzen dituena babestera berotu nahi ditut, alegia, orain dela 20 urteko eztabaidetara itzuli nahi ez duen ezkerra”
Arabako zerrendaburuak, Aroa Jiletek, esan du ez dela egia apirilaren 21eko hauteskunde hauetan “gobernu nazionalista edo independentista bat bakarrik sortu ahalko denik, zenbaitzuk sinetsarazi nahi diguten bezala”. Jileteren iritziz, horrek esan nahiko luke “herritarren arazo errealen gainetik eraikuntza nazionala lehenesten” dela. Horren haritik, esan du ezin dugula ahaztu noraez subiranistak Kataluniako bizikidetzari ekarri izan dio kostua. “Sozialistek ez dugu ahaztuko eta ahal dugun guztia egingo dugu euskal proces bat saihesteko; ozen diogu, independentismorik ez, zentralismorik ez, autogobernua maiuskulekin”, adierazi du.
“Lanean jarraitu behar dugu iragan #U23-ko hauteskundeetan @sanchezcastejon presidente egiteko boto-paper sozialista aukeratu izan zuten 37.000 gasteiztar baino gehiagoren konfiantza lortzeko.
Behar zaituztegu, zortea dugulako alkate sozialista bat izateko eta… pic.twitter.com/7Sabg6UtWN
— Socialistas Vascos - Euskal Sozialistak / ❤️ (@socialistavasco) April 18, 2024
Aroa Jiletek ekitaldi politiko batean hartu du parte Maider Etxebarria Gasteizko alkatearekin batera, eta garbi utzi du sozialistek ez dutela ahaztuko nork eman zuen botoa lan erreformaren aurka. Eta azken udal hauteskundeetan 24.000 gasteiztarrek PSE-EEri babesa nola eman zioten gogoratu du, 2020ko hauteskunde autonomikoetan Gasteizen bildu izan ziren 16.000 botorekin alderatuta. “Udal hauteskundeetan babesa ematen diguten baina Eusko Legebiltzarrerako ematen ez duten 7.000 pertsona horiek bilatu behar ditugu. Eta gauza bera egin behar dugu iragan uztailaren 23an Pedro Sanchez presidente egiteko boto-paper sozialista aukeratu izan zuten 37.000tik gora gasteiztarrekin”, gaineratu du.
Pertsona horiek lan erreforma bat aurrera atera duen, lanbide arteko gutxieneko soldata 1.134 euroraino igo izan duen, pentsioak igoarazi dituen eta etxebizitzaren lege aitzindari bat onartu izan duen Gobernu sozialista bateko presidente batean jarri zutela konfiantza nabarmendu du Jiletek. “Mezu bat dut pertsona horientzat: behar zaituztegu, zortea dugulako alkate sozialista bat izateko eta gobernu sozialista bateko presidente bat, baina elkartzen dituen zerbait falta zaigu, Gasteiz eta Madril urrun geratzen direlako. Batasunerako zubi bat eraiki beharra dugu gure hiriaren eta Moncloako jauregiaren artean, eta hori pertsona batek bakarrik egin dezake, hots, lehendakari sozialista batek”, azpimarratu du.
Maider Etxebarriak, bere aldetik, herritarrak ”benetako ezkerra, ezker baliagarria, konponbideak eskaintzen dituena, eztabaida antzuak baztertzen dituena, orain dela 20 urteko eztabaidetara itzuli nahi ez duen ezkerra” babestera bultzatu ditu. “Oinak lurrean dituen ezkerra, Euskadiren etorkizuna guztion artean eraiki behar dugula dakiena, ez bakarrik nazionalistek diotenari jarraituz, Alderdi Sozialistak ordezkatzen duena ere kontuan hartuta”.
Etxebarriak gogoratu du “inkestek ziotenaren gainetik” dela gaur egun bera alkate, gasteiztarren gehiengo batek “aldaketaren alde, politika egiteko era berri baten alde egin zuelako eta liskarretan urrunduta eta kudeaketan oinarrituz proiektu positibo bati argi berdea eman ziolako”.
Joan den urteko hauteskunde orokorretan PSE-EE izan zela Euskadiko lehen indarra gogoratu du gasteiztar alkateak, eta hori ez zela kasualitatea izan. “Une erabakigarri batean gaude, euskal herritarrek aintzat hartu zuten sozialistek krisiaren aurrean egindako kudeaketa, gizarte ezkutua, LGSren igoera, pentsioen errebalorizazioa, energiaren prezioa mugatzeko politiken eta gure industria babestea bezalako neurriekin. Jendeak jakin zuen ikusten bazegoela egonkortasuna, lana eta konponbideak zekartzan boto bat, boto hori oso garbi dago Euskadin, Alderdi Sozialistarena da”, esan du.
