partekatu
• ZUZENKETAK
Azalera-eskubidean eraikitako lurzoruari
OSOKO ZUZENKETA
- Eusko Legebiltzarrak Eusko Jaurlaritzari eskatzen dio ez dezala babes publikoko etxebizitza gehiago sustatu, lotutako edo lotu gabeko eranskindunak eta merkataritza lokaldunak, azalera-eskubidean.
- Eusko Legebiltzarrak Eusko Jaurlaritzari eskatzen dio ez dezala Euskadiko Autonomia Erkidegoko Administrazio Orokorraren jabetzako lur gehiago saldu, lur horietan azalera-eskubidean eraikitako babes publikoko etxeak daudenean, salbu eta etxe horiek etxebizitza libre bilakatu direnean edo bilakatuko direnean. Azken kasu horretan, salmenta baimenduko da, betiere babes publikoko etxebizitza gisako behin betiko kalifikazioaren truke.
- Eusko Legebiltzarrak Eusko Jaurlaritzari eskatzen dio azter dezala aukera, modu puntualean eta hori egitea arrazoitzen duten baldintza zehatzak ematen direnean, 75 urtetik beherako lagapenen iraupena luzatzekoa. Helburua da adjudikaziodun pertsonentzat konprometituak izan daitezkeen egoerak ekiditea.
