partekatu
• ZUZENKETAK
OSOKO ZUZENKETA hau aurkezten diote legez besteko proposamenari, Hizkuntza normalizaziorako politiken koordinaziorako batzorde komuna sortzeari buruz. Horretarako, indarrean dagoen Erregelamenduaz baliatu dira. [11\11\02\01\0015]
EUSKO LEGEBILTZARREKO MAHAIARI
Behean sinatzen duten legebiltzar-taldeek honako OSOKO ZUZENKETA hau aurkezten diote legez besteko proposamenari, Hizkuntza normalizaziorako politiken koordinaziorako batzorde komuna sortzeari buruz. Horretarako, indarrean dagoen Erregelamenduaz baliatu dira. [11\11\02\01\0015]
OSOKO ZUZENKETA
Eusko Legebiltzarrak Eusko Jaurlaritzari eskatzen dio:
1.- Euskararen lurralde osoan euskararen erabilera bultzatu eta hizkuntzen arteko bizikidetza ahalik eta orekatuena eraikitzen jarraitzeko helburuarekin, segi dezala hizkuntza politiken arloko erakunde arteko lankidetza sendotzera bideratutako jarduerekin:
- Behar diren urratsak eginez jadanik Nafarroako Gobernuarekin duen lankidetza-akordioa sendotzeko.
- Euskararen Erakunde Publikoarekin duena sustatu eta areagotzeko.
- Hiru aldeek egoki irizten dituzten lankidetza-hitzarmenak garatuz eta une bakoitzean hiru lurraldeetako herri-erakundeen arteko elkarlana bideratuz.
2.- Aipatutako lankidetzak hiru erakunde publiko horien erabakitzeko autonomia eta funtzionamendu-arauak errespetatuko ditu, eta, lankidetza zehazteko orduan, kontuan izango da eremu bakoitzeko egoera soziolinguistikoa eta Eskualdeetako Hizkuntzen edo Hizkuntza Gutxituen Europako Gutuna.
