PSE-EE PSOE Socialistas Vascos

PSOEren BEFren Azterlan eta Programen idazkari eta Europako hauteskundeetako hautagaiak, Idoia Mendiak, Grand Place aldizkariaren azken zenbakiaren aurkezpenean hartu du parte asteazken honetan. Ekitaldian Joaquin Almunia PSOEko idazkari ohi eta Europako Batzordeko presidenteordeak eta Ramon Jauregi eurodiputatu ohiak ere hartu dute parte.

Idoia Mendiak iraganera itzuli nahi duen “eskuin muturrari atea zabalik uztea” aurpegiratu dio PPri. “Baina Europak ezin dio utzi aurrera ez egiteari”, esan du hautagaiak. “Horren kontrakoa atzera egin eta galtzea izango litzateke”, gaineratu du. Hauxe da, Mendiaren iritziz, E9 honetan jokoan dagoena: “Europak aurrera egingo duen ala eskuin muturrekoei kontserbadore tradizionalek lagunduko dioten”.

Zalantza horren aurrean, lehendakariorde ohiak “Europako Parlamentuan presentzia aurrerakoi irmoa” izatea aldarrikatu du “erronkei ausardiaz heltzeko eta dagoeneko iragana den mundu batean ez ezkutatzeko”. Idoia Mendiak kezka agertu du europar herritarrak “merkatuak bakarrik neurtzen dituzten, pertsonei eta enpresei gertatzen zaiena neurtzen ez duten” menturan gera daitezkeelako, beharrezko Europa sozialari aurrera egiten eragotziz.

Eskuin tradizionalek orain arteko oinarrizko kontsentsuak hausten badabiltza eskuin muturrak gobernatu edo eragindako Europar Batasun batetik zer neurri-mota espero daitezkeen galdetu du Idoia Mendiak. Agertoki horretara helduz gero itun berdea eta Batasuneko langile guztien lan-baldintzak harmonizatzeko neurriak nola garatuko diren edo desberdintasunari amaiera nola jarriko zaion galdetu du, halaber, hautagai sozialistak.

Zalantza horien guztien aurrean, “sozialdemokrazia da ibilbide luzea zain duen Europa honek ez diezaion amore eman noraez neonazionalista eta erreakzionarioari eta urratsak eman ditzan aurrerabidean, askatasunetan eta eskubideetan”.