partekatu
• ZUZENKETAK
"Tasa turistikoa" deritzona
OSOKO ZUZENKETA
Eusko Legebiltzarrak:
1- Uste du, COVID-19aren pandemiaren ondoren sektore turistikoa modu positiboan berreskuratu izanaren datuekin eta EAEko erakunde batzuek erakutsitako interesarekin, egokia dela azterketa sakon bat egitea Euskadin egonaldi turistikoen gaineko zerga bat ezartzeko aukerari dagokionez.
2.- Turismo, Merkataritza eta Kontsumo Sailari eskatzen dio Euskadiko Turismo Mahaian, turismoaren arloan eskumena duen EuSko Jaurlaritzako Sailaren organo aholku-emailea den aldetik, lan-batzorde espezifiko bat sortzea proposa dezala, tasa turistikoari buruzko ikerketa, eztabaida, gogoeta eta azterketa sakona egiteko, bere funtzioek 2. artikuluan eta bere organoetan Euskadiko Turismo Mahaia sortzen duen urtarrilaren 27ko 5/2015 Dekretuaren 4. artikuluan ezartzen duten bezala, betiere Gernikako Estatutuan eta Ekonomia itunean jasotako eskumenen esparruan.
