partekatu
Daniel Senderos: “”Gure ustez oso positiboa da gaur Espainiako Gobernuak aurkeztu izan duen plangintza elektriko berria”
Trantsizio Ekologikoaren Ministerioak 2025-2030eko Plangintza Elektriko berria aurkeztu du, zeinak 13.590 milioi euroko inbertsioa aurreikusten baitu sarea modernizatzeko eta berriztagarrien eta elektrifikazioaren eskaria handitzeari erantzuteko
Lerro nagusiek hobetu egiten dituzte entxufe elektrikoa deiturikora euskal industriak sarbidea izateko dituen baldintzak, deskarbonizazioko aurrerapenak eta egiteko dauden inbertsio-proiektuen bideragarritasuna
PSE-EEren iritziz oso positiboa da gaur Trantsizio Ekologikorako Ministerioak gaur iragarri izan duen 2030erako plangintza elektriko berria, deskarbonizazioa azkartzen eta bultzatzen jarraitzeko euskal industriaren eskariari erantzuna ematen diona. PSE-EEko Trantsizio Ekologikoaren idazkariak, Daniel Senderosek, Espainiako Gobernuak hartutako erabakiak Euskadiko enpresetan deskarbonizazioak eta elektrifikazioak aurrera egiten dezan maila guztietako erakundeen lankidetzaren emaitza direla azpimarratu du.
“Horren adibidea da sozialistak egiten ari garen lana, Kongresuan onartuz euskal industrial elektrifikazioa bultzatzeko legez besteko proposamena edo indarreko plangintza aldatu izana, lehiaketa berriak ateraz Euskadiko eta beste autonomia erkidego batzuetako sareak handitzeko, adibidez bi korapilotan banatutako 1.380 megavattak, Arrigorriagakoa Bizkaian, eta Mercedes-Benzen fabrikarena Gasteizen, 993 eta 387 megavatt erabiltzeko gaitasuna dutela”, azaldu du Senderosek.
Trantsizio Ekologikoaren Ministerioak 2025-2030eko Plangintza Elektriko berria aurkeztu du, zeinak 13.590 milioi euroko inbertsioa aurreikusten baitu sarea modernizatzeko eta berriztagarrien eta elektrifikazioaren eskaria handitzeari erantzuteko Plangintza horrek jomuga hauek ditu: deskarbonizazioa, barne merkatuaren integrazioa eta sistema elektrikoaren erresilientziaren hobekuntza. Horrez gain, aurreko aurrekontua esanguratsuki handitzen duten inbertsio-helburuak ditu, Ministerioak berak azaldu duenez.
Plangintzak 13.590 milioi euroraino igo du garraio sareko inbertsioaren muga, %62 gehiago aurreko plangintzaren aldean. 27,7 gigawatteko eskariari erantzutea aurreikusten du, egungo biak biderkatuta berriztagarrien sorkuntza berri kopuru handia eta ekonomiaren elektrifikazioa (ibilgailu elektrikoak, industria, etab.). Plangintzak deskarbonizazioa azkartzea eta berriztagarriak txertatzea bilatzen du, baita hidrogeno berdea eta biltegiratze energetikoa sustatzea ere.
Argindar konpainiek 7.700 milioi euroko inbertsio-muga izango dute, eta egiten dituzten inbertsioak azaldu eta justifikatzea eskatuko zaie. Dauden sareak lehenetsiko dira ibilbide berrien ordez, haien erabilgarritasuna maximizatzeko, eta interkonexio berriak sustatuko dira, dagoeneko onartua den Andorrarekikoa bezala, EBko barne merkatua indartzeko asmoz. Horrez gainera, sarearen operazioa eta kontrola indartzeko neurriak aurreratuko dira, sistemaren egonkortasuna ziurtatzeko konpentsatzaile sinkronoak eta beste teknologia batzuk jartzea barne.
Espainiako Gobernuaren arabera, “trantsizio energetikoa aurreratzeko sistemaren jarduna indartzera zuzentzen zen 2025eko uztailean onartutako 2021-2026 Plangintzaren unean uneko aldaketaren arrakastaren ondoren” eman da argitara plangintza berri hori. Plangintza Energiaren eta Klimaren Plan Nazional Integratuarekin 2023-2030 (EKPNI) bat dator, zeinak energia berriztagarrien igoera esanguratsua (sortzen denaren %81erainokoa) bilatzen baitu.
“PSE-EEn oso balorazio positiboa egiten dugu eskaria handitzea, sareetako inbertsioa areagotzea, Euskadiren integrazioa eta deskarbonizazioa ahalbidetuko dituzten neurri horiei buruz. Maila guztietako erakundeetan lanean jarraituko dugu bidezko trantsizio energetikoan, ekintza klimatikoan eta aldaketa klimatikoaren kontrako borrokan urratsak ematen jarraitzeko” adierazi du diputatu eta euskal zuzendaritza sozialistako arduradun denak.
