partekatu
Eneko Andueza: “Une egokia da herrialde-akordioak lortzeko, PPk ere EH Bilduk edo EPk bezala Eusko Jaurlaritzaren lanarekin bat egiteko”
PSE-EEren idazkari nagusiak Miguel Ángel Moralesekin eta Begoña Gilekin batera euskal popularrekin egindako bileran nagusitu den giro ona azpimarratu du
![1. argazkia](imagenes/noticias/20220606_ReunionPSE_PP_20_1.jpg)
PSE-EEren idazkari nagusiak, Eneko Anduezak, gonbidapena luzatu dio Euskadiko PPri euskal herritarren eskari eta beharrei erantzuna emango dien akordioak lortzen inplikatu dadin, batik bat legegintza arloan, popularrek beste gai batzuetan hitzartu izan dituzten ildotik, esaterako Ukrainako gerrari erantzuna emateko neurriak edo erronka demografikoari buruzkoak.
“Bileran nagusitu izan den giro onaz baliatuz, PPri gonbidapena luzatu diot Eusko Legebiltzarrean jorratzen eta eztabaidatzen ari diren lege-proiektuetan parte har dezan. Akordio handiak lortzeko une aproposa da. PPk ere EH Bilduk eta Elkarrekin Podemosek bezala Eusko Jaurlaritzaren lanarekin bat egiteko inguruabarrak daude, herrialdearen garapenerako funtsezkoak diren lege horiek euren babesa ere izan dezaten”, azaldu die Anduezak komunikabideei euskal PPrekin izandako topaketaren ondoren.
@PPVasco-rekin eta @carlositurgaiz-ekin egindako bileraren giro onaren ildotik, @ehbildu-k edo @PodemosEuskadi-k bezala Eusko Jaurlaritzaren lanarekin bat egitera gonbidatu ditut.
Akordio handiak lortzeko une aproposa da. #HacemosEuskadi#BideBerria pic.twitter.com/nWasmR1IX1
— Eneko Andueza (@enekoandueza) June 6, 2022
Andueza izan da PSE-EEren ordezkaritzaren buruan Euskadiko PPren zuzendaritzarekin, Carlos Iturgaiz presidentea buru dela, alderdiaren 9. Kongresuaren ostean Exekutibo sozialistak alderdi politikoekin, sindikatuekin, enpresa antolakundeekin eta beste eragile politiko eta sozial batzuekin programatu izan dituen bileran.
“Alderdi horren ezberdinen” arteko zeharkako akordioak posible dira une honetan Euskadin, PSE-EEren idazkari nagusiak esan duenez, “une berean eta modu berean, ostegun askotan Eusko Legebiltzarrean ikusten ari garen bezala”. “Guztiok kabitzen garen Euskadi bat eraikitzen ari garenaren seinalea da hori”, adierazi du Anduezak.