partekatu
Eneko Andueza: “Aurrekontu hedakor batzuk behar ditugu Euskadin, lehen sektorearen beharrei ere erantzuna emango diotenak”
PSE-EEko idazkari nagusiak “kontu on batzuk” eskatu ditu Lezako arabar herrian egin den 30. Mahats-bilketaren Jaian, zerga-mugek eta klimaren aldaketak dakartzaten zailtasunei aurre egiteko
“Aranako errefuxiatuentzako arreta-zentroaren kontuan, Alderdi Popularraren eta eskuin muturraren diskurtsoan erortzen ari dira batzuk. Demagogiarik ez egitea eskatzen dut”, esan du EAJ aipatuz
PSE-EEko idazkari nagusiak, Eneko Anduezak, hurrengo euskal Aurrekontuek gastu handiagoa izateko beharra azpimarratu du, beste esparru batzuen artean, euskal lehen sektoreari eta, zehazki, Arabako Errioxari laguntzeko. “Aurrekontu hedakor batzuk behar ditugu, Gobernu Akordioan hitzartu zen bide-orrira egokitzen direnak”, adierazi du.
Javier Hurtado Arabako PSE-EEko idazkari nagusi eta Turismo, Merkataritza eta Kontsumo sailburu dena, Maria Jesus San Jose eta Susana Garcia Chueca sailburuak eta Cristina Gonzalez PSE-EEko presidentea dena ondoan zituela, beste kargu eta ordezkari sozialista batzuen artean, Anduezak esan du kontu “hedakor” batzuk “funtsezkoak” direla Arabako Errioxari eta haren ehun ekonomikoari laguntzeko. “Ardoaren sektorea ez da bere garairik onenean. Lagundu beharra diogu horregatik, Aurrekontu hedakor batzuekin, hemengoa bezalako eremuetan populazioa finkatzeko aukera ematen duen sektore bati”, adierazi du klimaren aldaketatik eta zerga-mugetatik datozxen bezalako zailtasunak aipatu ondoren.
Komunikabideen galderei erantzunez, Arabako errefuxiatuentzako Arreta Zentroa eta horren aurka EAJko zuzendari eta karguek egindako manifestazioak ere hizpide izan ditu Anduezak, noiz eta instalazioen birdimentsionamendu berri bat martxan dagoenean, plazen murrizketa dakarrena, gehienez ere 200 pertsona hartzeko mugarekin.
Arabako Errioxako ardogintza sektoreak gaur ospatzen du Lezan bere 30. Mahats-bilketaren Jaia, baina muga-zergek eta klimaren aldaketak dakartzaten zailtasunak pairatzen ari da.
Horregatik, Eusko Jaurlaritzaren hurrengo Aurrekontuak hedakorrak eta bidezkoak izan behar dira... pic.twitter.com/jqQHuGHnHz
— Eneko Andueza (@enekoandueza) September 14, 2025
“Batzuk Alderdi Popularra eta eskuin muturra egiten ari diren diskurtsoan erortzen ari dira. Beldurra dute, badakitelako ihes egin diezazkieketen botoak daudela hor, baina nik uste dut instituzionalki leialak eta arduratsuak izateko betebeharra dugula”, adierazi du arabar hiriburuko udaleko eta foru aldundiko, beste erakunde batzuen artean, gobernukide dituztenak aipatuz.
“Aranako zentroa oso ondo zehaztuta dago, eta beharrezkoa da. Gerratik ihesi, euren herrialdetan arazo politikoak dituztelako datozen pertsonak hartzeko prestatutako zentro bat da. Gasteizko alkateak, Maider Etxebarriak, Ministerioari eskatu dio ager daitezkeen premietara egokitzeko, eta espero dut kontuan hartuko dela eskari hori. Eskatzen dudana da demagogiarik ez egitea kontu horren gainean”, adierazi du.
