partekatu
• ZUZENKETAK
OSOKO ZUZENKETA hau aurkezten diote legez besteko proposamenari, Administrazio publikoaren gizarte-politika eta jarduera guztietan haurraren interes nagusiaren irizpidea txertatzeari buruz. Horretarako, indarrean dagoen erregelamenduaz baliatu dira. [11\11\02\01\0221]
Behean sinatzen duten talde parlamentarioek honako OSOKO ZUZENKETA hau aurkezten diote legez besteko proposamenari, Administrazio publikoaren gizarte-politika eta jarduera guztietan haurraren interes nagusiaren irizpidea txertatzeari buruz. Horretarako, indarrean dagoen erregelamenduaz baliatu dira. [11\11\02\01\0221]
OSOKO ZUZENKETA
1.- Eusko Legebiltzarrak Eusko Jaurlaritzari eskatzen dio prestatzen diharduen familietan eta haurtzaroan inbertitzeko euskal Estrategiak lehen printzipiotzat eta oinarrizko irizpidetzat izan dezala haurrak eskubidedun subjektutzat hartzea, Nazio Batuen haurren eskubideen inguruko Hitzarmenean aldarrikatutakoan oinarrituta.
2.- Eusko Legebiltzarrak Eusko Jaurlaritzari eskatzen dio Estrategia horrek haurtzaroan inbertitzea inbertsio sozialtzat har dezala, eta baita gizarte osoaren ongizatea hobetzeko tresna transbertsaltzat ere.
