partekatu
• ZUZENKETAK
OSOKO ZUZENKETA hau aurkezten diote legez besteko proposamenari, CEAR Euskadik pertsona errefuxiatuen eskubideak bermatzeko egindako proposamenari buruz. Horretarako, indarrean dagoen Erregelamenduaz baliatu dira. [11\11\02\01\0035]
EUSKO LEGEBILTZARREKO MAHAIARI
Behean sinatzen duten legebiltzar-taldeek honako OSOKO ZUZENKETA hau aurkezten diote legez besteko proposamenari, CEAR Euskadik pertsona errefuxiatuen eskubideak bermatzeko egindako proposamenari buruz. Horretarako, indarrean dagoen Erregelamenduaz baliatu dira. [11\11\02\01\0035]
OSOKO ZUZENKETA
1.- Eusko Legebiltzarrak Eusko Jaurlaritzari eskatzen dio bermatu dezala Euskadira heltzen diren pertsona errefuxiatu guztiek eskubide, zerbitzu eta baliabide publikoetarako sarbidea izatea, edozein dela ere beren jatorria eta sarbidea; betiere, errefuxiatu izaera lortzeko baldintzak betetzen badituzte.
2.- Eusko Legebiltzarrak Eusko Jaurlaritzari eskatzen dio bizikidetza interkulturala sustatu dezala eta osoko harrera bultzatu dezala, benetako integrazioa eta bizikidetza baketsua lagunduko duena, benetako babes-hiri eta –herrien alde eginez.
3.- Eusko Legebiltzarra EB-Turkia akordioaren kontra azaltzen da eta Estatuko Gobernuari eskatzen hertsatzen dio horrekiko babesa bertan behera utz dezan.
4.- Eusko Legebiltzarrak Estatuko Gobernuari eskatzen dio ahalbidetu ditzala mugetarako sarbide seguruak eta exijitzen dio bete ditzala Europan pertsona errefuxiatuei buruz hartutako konpromisoak.
5.- Eusko Legebiltzarrak Estatuko Gobernuari eskatzen dio onar dezala Asilo Legea garatzeko Araudia, duela zazpi urtetik egiteke dagoena, europar arauekin bat.
6.- Eusko Legebiltzarrak pertsona migratzaile eta errefuxiatuen eskubideen aldeko legebiltzar taldeartekoaren jarraipena berresten du, 2016ko maiatzaren 26an berori sortzean onartutako helburuekin bat.