partekatu
• Batzorde Betearazlea
Idoia Mendia: “Oso harro nago zuen lanaz, helburuak bete ditugu”
PSE-EEren idazkari nagusiak, Idoia Mendiak, esker ona adierazi die Euskadiko Batzorde Betearazleko kideei gaur arratsaldean 9. Kongresuaren aurretik burutu duten azken bileran, Euskal Sozialisten zuzendaritzan haren bi azken agintaldietan burututako lanagatik. “Eskerrak eman nahi dizkizuet egin duzuen guztiagatik, eta esan nahi dizuet oso harro nagoela egin dugun lanaz. Bete ditugu ezarri genituen helburuak, eta hori idazkari nagusiei eta Exekutiboko kideei esker lortu izan da. Horietako batzuk, gainera, zazpi urteotan lagundu izan naute”, azaldu du.
Iragandako denbora honetan PSE-EEren eta PSOEren egungo egoera bere agintaldiaren lehen hilabeteetan bizi izan zuenaren aldean oso ezberdina dela azpimarratu du lehendakariordeak. “Garai gogorrak izan dira, zatiketakoak, ziurgabetasunekoak, baina horiek gainditzea lortu izan dugu egun Euskadiko akordio politikoen erdigunean den alderdi bat izateko, Espainiako Gobernua ere zuzentzen duena, eta herrialde honetan aurrerabiderako politika guztien ardatz egituratzailea bilakaturik dena.
Iñaki Arriola PSE-EEren presidenteak ere hitz egin du Idoia Mendiaren eta alderdiaren ibilbidea aipatzeko: “Eutsi egin izan diogu eta hazkunderako itxaropenekin begiratu diezaiokegu orain etorkizunari, eta gure idazkari nagusiak kanpoan oso irudi ona duela eta alderdi barruan zorion mezuak, aitortza eta maitasuna jasoz ixten du ziklo hau”.