Web gune honek cookieak erabiltzen ditu, propioak eta beste batzurenak. Nabigatzen jarraituz gero gure cookien politika onartzen duzula ulertzen da.
Adi egon! Adi egon!

Iraila 2021

AL AR AZ OG OR LR IG
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30
Itxi
PSE EUSKADI

PSE-EE PSOE Socialistas Vascos

Berriak

partekatu  partekatu

  •   Legez besteko proposamena

PSE-EEk Debabarrena Eskualdea suspertzeko ponentzia bultzatu du Eusko Legebiltzarrean EAJrekin batera

Eneko Andueza Ganberako bozeramaile dena izango da ordezkari sozialista bailaren beharrak hausnartzera eta industria-ehuna galtzea saihesteko irtenbideak eskaintzera zuzendutako foro batean

1. argazkia
Eneko Andueza, portavoz en el Parlamento Vasco.

Socialistas Vascos-Euskal Sozialistak legebiltzar taldeak legez besteko proposamen bat aurkeztu du EAJrekin batera Ganberaren erregistroan Debabarrena Eskualdea sustatzeko ponentzia bat bultzatzeko. Foro horretan, “hausnarketa sakon bat” egingo da eskualdearen beharren inguruan, Covid-19aren krisiaren ondoren industria-ehuna galtzea saihesteko eta haren suspertze ekonomikoa sustatzeko.

Proposamena aurkeztu duten taldeen ustez, eskualdearen adierazle ekonomikoek jarduera espezifikoak eskatzen dituzte. “Azken aldian, testuinguru ekonomikoak eta, batez ere, egoera soziosanitarioak eragindako zailtasunek arriskuan jarri dute inguruko industria-ehuna eta enpresa-proiektu berrien garapena, baita lanpostu berrien sorrera ere", azaltzen du ekimenak.

Horrek guztiak, eskualdeko baldintza orografiko bereziekin batera, gomendagarria egiten du haien premiei buruzko hausnarketa sakon bat berariazko foro batean. Bertan parte hartzera gonbidatuko zaie inplikatutako erakundeei (Eusko Jaurlaritza, Gipuzkoako Foru Aldundia eta Bizkaiko Foru Aldundia, eta Eibar, Soraluze, Elgoibar, Mendaro, Deba, Mutriku, Mallabia eta Ermuko udalak), bai eta eragile sindikalei, enpresarialei eta esparru soziologiko eta ekonomikoko adituei ere, Eneko Anduezak sozialisten bozeramaileak, azaldu duenez. Hori izango da alderdiaren ordezkaria etorkizunean egiten den ponentzia horretan.

Foro hori osoko bilkuran onartzen denean, hurrengo bilkura-aldian hasiko litzateke lanean, eta Ezkerraldeko, Meatzaldeko eta Oarsoaldeko eskualdeetan eta Aiarako eskualdean eta Urduña, Orozko, Arrankudiaga eta Arakaldo udalerrietan zentratutako ponentzien adibideari jarraituko dio. Ponentzia horiek aurreko eta oraingo legegintzaldietan garatu izan dira Ganberan.