partekatu
PSE-EEk Korrikan ez parte hartzea erabaki du CCOOri egindako bazterketagatik
PSE-EEko Batzorde Betearazleak Korrikaren 24. edizioan ez parte hartzeko erabakia hartu du erakunde antolatzaileak CCOO sindikatuko zuzendaritzari bertan parte hartzea debekatu egin diola jakin ondoren.
CCOOren ordezkaritza Korrikatik kanporatzea euskarak merezi ez duen intolerantzia-adierazpen bat da, eta, euskara ikasteari, erabiltzeari eta haren inguruan kontsentsuak sortzeari buruzko kontzientziazioan lagundu ordez, dioenez sustatzen omen duen pluraltasunetik oso urrun den eremu batean kokatzen du ekimena.
Alderdi Sozialistaren kargu organikoek ez dute parte hartuko 24. Korrikarekin lotutako ezein jardueretan bazterketako politika hori mantentzen den bitartean. PSE-EEk aztertu egingo du antolaketaren erakundearekin etorkizunean izango duen harremana.
Alderdi Sozialistak hizkuntza sustatzeko eta pertsonen hizkuntza- eta lan-eskubideak errespetatzeko jarrera argiari eutsiko dio euskararekin lotutako esparru guztietan –gizartean, hezkuntzan, lanean, legegintzan...–, eta elkarrizketa, kontsentsua eta akordioa bultzatuko ditu horietan guztietan, ideologikoki bereganatzeko edo inposatzeko ezein saiakera baztertuz.
