partekatu
Eneko Andueza: “Espainiak Gobernu sozialista bat izatea ospatzen dugu, Euskadin lortuko dugun garaipenaren aurrekari izango dena”
PSE-EEko idazkari nagusiak, Eneko Anduezak, esan du Espainiako Gobernu sozialista izango dela Euskadin hauteskunde autonomikoen ondoren sozialistek lortuko duten garaipenaren eta gobernuaren aurrekaria. PSOEk Madrilen Herriko Etxeak aldarrikatzeko eta militantzia sozialistaren harrotasuna goraipatzeko antolatu duen jaialdi-mitin izaerako ekitaldi batean hartu du parte Anduezak, lurraldetako beste zuzendari batzuekin batera.
“Festa eguna da sozialistentzat hemen, Madrilen. Pedro Sanchez gure presidentea babestera eta Espainiak Gobernu sozialista bat duela ospatzera etorri gara, zeina Euskadin sozialistek lortuko duten garaipenaren, sozialistek gobernatuko dugunaren aurrekaria izango baita”, adierazi du Madrileko Nazioarteko Azokan (Ifema) egin den ekitaldi politikoari hasiera eman aurretik.
Ospakizun eguna sozialista guztientzat.
Aurrerabideko gobernu berri bat lortu dugu Espainian @sanchezcastejon presidentearen eskutik, eta #Euskadi-n ere sozialistek gobernatuko dugunaren aurrekaria da. #EspañaAvanza pic.twitter.com/qctATEBpIX
— Eneko Andueza (@enekoandueza) November 26, 2023
Topaketa horretan, Pedro Sanchezen gain, besteak beste, parte hartu dute Jose Luis Rodriguez Zapatero presidente ohiak eta Cristina Narbona PSOEko presidenteak. Anduezak, halaber, Arabatik, Bizkaitik eta Gipuzkoatik etorritako militanteen ordezkaritza zabal baten laguntza izan du.
