PSE-EE PSOE Socialistas Vascos

Eneko Andueza PSE-EEko idazkari nagusiaren iritziz, sozialistek kontuan dute herritarren ongizatean eragingo duten politikak burutzean hobetzeko dagoen tartea. Anduezak aitortu du aldaketak behar direla gaur eguneko erronkei eta etorkizunak ekarriko dizkigunei bermeekin aurre egiteko arlo askotan. “Gidoia aldatu behar dugu pertsonen bizi-kalitatea hobetzen lagunduko duten beste politika batzuetan aurrera egiteko”, adierazi du.   

ETB2 katean egin dioten elkarrizketa batean, Eneko Anduezak esan du Euskadirentzako proiektu sozialista “EAJk eta EH Bilduk eskain dezaketen baino askoz etorkizun hobeagoa proposatzeko gai” dela. Eta bere alderdia dela fokua herritarrek dituzten beharretan “jartzen ari den bakarra”. “Gainerakoak kezkatuago daude nork babestuko dituen jakiten. Gu ez gara ari pentsatzen nork babestuko gaituen, zertarako baizik. Herritarrei euren arazoak konponduko dituzten politikak abian jartzea axola die”, esan du.

Gauza jakin batzuk aldatu beharrean gara gobernatzeko orduan, Euskadiren etorkizuna hobeagoa izan dadin hezkuntza, osasuna edo enplegua bezalako gaietan.

?  @enjakeETB @Xlapitz #Cambiaelguion pic.twitter.com/TMbBllnPLq

— Eneko Andueza (@enekoandueza) December 14, 2023

Buruzagi sozialistak azpimarratu du PSE-EEk ez duela EH Bildurekin partekatzen herrialde-proiekturik, eta galdera bat bota du. “Zertarako balio digu aurpegiak aldatzea proiektu eta ideia berberek jarraitzen badute?”, galdetu du. “Ez dugu inongo proiektu independentista batean parte hartzen, eta azkenaldian kontu horixe bakarrik ari naiz entzuten Otegi jaunari”, nabarmendu du.

PSE-EEko idazkari nagusiarentzat ustekabea izan da EH Bilduren eta komunikabide kontserbadore batzuen arteko interes elkarketa. “Deigarria egin zait Otegik bezperan elkarrizketa batean egindako galderak bat etortzea egunkari kontserbadoreek hurrengo egunean idazten dituzten editorialekin”, adierazi du. Anduezak bi aktoreek helburu bera izateari erreparatu dio: “Alderdi Sozialistari egurra ematen jarraitzea”.