partekatu
Eneko Andueza: “Adi egon behar dugu faxismoaren mehatxuaren aurrean, orain gure erakundeak kolonizatu nahi ditu-eta”
PSE-EEko idazkari nagusiak, Eneko Anduezak, esan du Euskal Sozialistek beti izan dutela, beti dutela eta izango dutela konpromisoa askatasunen aldeko eta faxismoaren kontrako borrokan. Alderdiek, sindikatuek eta fundazioek Artxandan, “Aterpe 1936” eskulturaren aurrean –“Aztarna” izenez ere ezaguna da–, urtero II. Errepublika defendatu zutenei egiten dien omenaldian hartu du parte Anduezak.
“Adi egon behar dugu faxismoaren eta eskuin muturraren mehatxuaren aurrean, gure erakundeak kolonizatu nahi ditu orain eskuinaren laguntzarekin. Borroka horretan, gure konpromisoa hortxe egon izan da, hortxe da eta hortxe egonen da beti”, esan du.
Adi egon behar dugu faxismoaren eta eskuin muturraren mehatxuaren aurrean, gure erakundeak kolonizatu nahi ditu orain eskuinaren laguntzarekin. Borroka horretan, gure konpromisoa hortxe egon izan da, hortxe da eta hortxe egonen da beti. II. Errepublika defendatu zutenak oroitu ditugu Artxandan… pic.twitter.com/ozeel1krRk
— Eneko Andueza (@enekoandueza) June 18, 2023
Bilboren defentsan parte hartu zutenen eta, bereziki, Gerra Zibilean demokraziaren alde jardun zuten miliziano eta gudarien omenez egindako ekitaldian, azken hilabeteotan eremu horretan berreskuratu eta identifikatutako gorpuzkiak eman dizkie Eusko Jaurlaritzak Luis Gauna eta Angel Puertasen senideei, eta hirugarren miliziano bat ere oroitu dute, Lucas Calvete.
