partekatu
Eneko Andueza: “Feijooren PPk ez dauka proiektu eraikitzailerik; plan indargabetzaile bat dauka, suntsitzailea, herritarrei eskubideak kentzen dizkiena”
PSE-EEko idazkari nagusiak esan du U23-ko hauteskundeak “une erabakigarri” batean egingo direla, eta eskuina eta eskuin muturra gerarazteko boto baliagarria Alderdi Sozialistari emandakoa dela
Datozen U23-ko hauteskundeei begira PPk proiektu eraikitzailerik ez izatea kritikatu du Eneko Andueza PSE-EEko idazkari nagusiak. Anduezaren iritziz, popularren planteamenduekin eskubideak kentzen zaizkio jendeari, azken urteotan politika aurrerakoiekin lortu izan diren aurrerapenei kontrajarrita.
“PPk ez dauka proiektu eraikitzailerik herrialdearentzat. Plan indargabetzaile bat dauka, herritarrei eskubideak kentzen dizkiona. Proiektu suntsitzaile bat dauka, Espainia gehiengoaren kaltetan gutxi batzuk mesedetuko diren herrialde bat izan dadin. Horixe da dagoena Nuñez Feijook sanchismoa indargabetu behar dela dioen horren atzean”, adierazi du.
Herri Irratiari emandako elkarrizketa batean, PPk eskuin muturra “besarkatuko” duela eta horren postulatuak eta politikak onartuko dituela iragarri du Anduezak. Eta Pedro Sanchezen Gobernuak gaurdaino garatutako politika aurrerakoiak indargabetzeak pentsioen errebalorizazioari edo Lan Erreformari amaiera ematea edo LGS berriz ere jaistea dakarrela esan du. “Sanchismoarekin akabatzea, finean, aukera eta eskubide gehiagoko herrialdea bihurtu duten eskubide sozialei amaiera ematea da”, adierazi du.
@psoe-k bermatzen du #U23-an eskuina eta eskuin muturra ez direnik boterera helduko #Euskadi-n eta Espainia osoan.
? @RadioPopular#LaMejorEspaña #EuskadiHobea pic.twitter.com/SoJfP1pIzL
— Eneko Andueza (@enekoandueza) June 20, 2023
Buruzagi sozialistak esan du datorren U23-ko hauteskundeak une garrantzitsua direla herrialdearentzat, “hamarkada batzuk aurrera ala atzera egin dezakegulako” genero-indarkeriaren edo klimaren aldaketaren kontrako borrokan edo lan-eskubideak bezalako funtsezko gaietan.
Espainian PPren eta VOXen arteko gobernu baten eraketak ekar ditzakeen ondorioez ere ohartarazi du PSE-EEko idazkari nagusiak. “Madrilen eskuinaren eta eskuin muturraren gobernu bat bada, muturrak elkar elikatzen dira, eta Euskadin subiranismoa noraezean jartzeko arriskua izango dugu”, azpimarratu du.
Azkenik, datorren U23-ko hauteskundeetan Alderdi Sozialista dela “boto baliagarria” esan du Anduezak, hura delako boto aurrerakoia biltzeko gaitasun handiena eta Kongresuan ezberdinen artean akordioak bilatzeko indar gehieneko proiektua duen alderdia. “Eskuina Moncloara ez heltzea benetan bermatzen duena ez da EAJ, EH Bildu edo Sumar, baizik eta Alderdi Sozialista. Euskadin eta Espainia osoan eskuinari eta eskuin muturrari galga jartzeko bermea gara”, berretsi du.
