partekatu
Eneko Andueza: “Memoriaren Egun honetan, gure helburua da biktimak gogoratzea, horiei justizia egitea eta erreparazioa ematea gizarte osoaren ekarpenaren beharrean den bizikidetza horretan aurrera egiteko”
PSE-EEko idazkari nagusiak ohartarazi du kohesioa eta tolerantzia mehatxatuta daudela “sektore jakin batzuetan erroturik den indarkeriaren kulturagatik”
PSE-EEko idazkari nagusiak, Eneko Anduezak, terrorismoaren biktimei laguntzen segitzeko beharra azpimarratu du bizikidetza toleranteago eta bidezkoagoan urratsak ematen jarraitzeko. Anduezaren esanetan, inboluziorako arriskua dago arlo horretan “sektore jakin batzuetan –zorionez, gutxiengo bat– erroturik den indarkeriaren kulturarengatik, baina muturretatik konpromiso sendo eta zintzo baten premiaz ohartarazten ari zaiguna”.
Eusko Legebiltzarrean terrorismoaren eta indarkeriaren biktimak oroitzen dituen monumentuaren ondoan egin den lore-eskaintzaren ostean, biktimak gogoratzea “bizikidetza eraikitzen eta indartzen lagundu behar duen lan bat” dela adierazi du Anduezak bere sare sozialetan. Eta orain dela 16 urte Patxi Lopez Lehendakaria buru zuen Gobernuaren eskutik ezarritako “egun horren bereziaren” garrantzia azpimarratu du. “Batasun instituzional eta politiko batekin egin genuen, orduan zailago zen baina, egun, hein batean apurtuta dagoen kontu bat”, deitoratu du.
Azaroaren 10eko Memoriaren Egun honi Eusko Legebiltzarrean lore-eskaintza eginez eman diogu hasiera, terrorismoaren eta indarkeriaren biktimak oroitzen dituen monumentuaren ondoan.
Biktimak gogoratu eta omentzea da bizikidetza eraikitzen eta indartzen lagundu behar duen... pic.twitter.com/AnIgcsMpGX
— Eneko Andueza (@enekoandueza) November 10, 2025
Buruzagi sozialistarentzat oso positiboa da sozialistek zuzentzen duten Gogora Memoriaren, Bizikidetzaren eta Giza Eskubideen Institutuaren lanari esker biktima batzuek beren lekukotasunak ezagutzera eman ahal izatea Europa Jauregian egingo den ekitaldian, “erreparazio pertsonaleko prozesu bateko zati modura eta, halaber, horren beharrezko dugun bizikidetza horretan era aktiboan lagundu ahal izateko”. “Besarkada bat haientzat guztientzat Memoriaren Egun honetan”, amaitu du.
