partekatu
Eneko Andueza: “Euskal herritarrentzako alderdirik baliagarriena gara; gure eredua herrialdearen eraldaketaren aurrerapenarekin konprometituta dago”
Forum Europa-Tribuna Euskadin, PSE-EEko idazkari nagusiak esan du bere alderdiak “konektatzen” duela hobekien euskal gizartearen errealitatearekin
Patxi Lopez: “Gizarte aske eta berdinzalea aldarrikatzen dugu guk, eta hori legeekin lortzen da. Elkarren kontra egiteko manifestazio gutxiago, eta laguntza emateko esku gehiago”
PSE-EEko idazkari nagusiak, Eneko Anduezak, esan du Alderdi Sozialista dela euskal herritarren interes orokorrez gehien kezkatzen den alderdia. Sozialistak euskal gizartearentzat etorkizuneko erronkei begira aurrerabiderako berme bat direla azpimarratu du Anduezak. “Euskal herritarren interesentzako alderdirik baliagarriena gara; gure eredua herrialdearen eraldaketaren aurrerapenarekin konprometituta dago”, adierazi du.
Bilbon egin den Forum Europa-Tribuna Euskadiren solasaldian, euskal gizartearen, erakundeen, enpresen eta sindikatuen ordezkaritza zabal bat entzuten zuela, Anduezak azpimarratu du hiru eredu berezitu daudela datozen urteetan Euskadi gobernatzeko asmoz. Eta esan du eredu sozialista dela eraginkorrena eta euskal gizartearen beharrekin hoberen “konektaturik” dagoena. “Gurea herriaren eraldaketarekin konprometituta dagoen eredu bat da. Euskaldunen bizi-kalitatea hobetzeko eraldatu beharreko gauzak aldatzeko gaude gu politikan”, adierazi du.
Eta Idoia Mendia lehendakariordeak zuzentzen duen Lan eta Enplegu Sailetik Lanbideren erreformarako egin izan den lana jarri du Anduezak sozialistek egin izan duten lan on horren adibidetzat. “DSBEa aldatu dugu, estaldura seme-alabak dituzten emakumeengana eta genero indarkeriaren biktimengana ere zabaltzeko, erroldan antzinatasunik izan beharrik gabe izan dezaten hori jasotzeko eskubidea”, nabarmendu du.
Iñaki Arriola sailburuak gidatzen duen Lurralde Plangintza, Etxebizitza eta Garraio Sailak mugikortasun arloan garatu duen “demokratizazioa” ere aipatu du. “Garraiorako laguntzak bultzatu ditugu, eta bidaiari kopurua nabarmen handitzea ekarri dute metroa, tranbia edo hiriko autobusak bezalako garraiobideetan”, esan du.
PSE-EEko idazkari nagusiak, halaber, Javier Hurtadok zuzentzen duen Turismo, Merkataritza eta Kontsumo Sailak koiuntura zailetan egin izan duen lana goraipatu du. Horren harira, merkataritzara, ostalaritzara eta turismora zuzendu izan diren laguntzak gogoratu ditu. “Instituzioak sozialisten presentziarekin lerrokatuta direnean, abantaila estrategiko bat dugu. Inbertsio ona da euskal gizartearentzat, horixe baita horren guztiaren onuradun nagusia”, azpimarratu du.
Euskadirentzat Pedro Sanchez presidentea buru den Gobernu batek ekarriko lukeen mesedea nabarmendu du Eneko Anduezak. Eta herritarren onerako diren politiketan Exekutiboak egin izan duen kudeaketa onaren erakusle, pandemiari emandako erantzuna aipatu du, txertaketa prozesuarekin eta osasun materialaren erosketarekin, edo Europako funtsak lortzeko egin den lanarekin, nahikoa baita Euskadin automozioa bezalako sektore garrantzitsuen eraldaketan laguntzen nola ari diren ikustea.
“Horixe komeni zaigula pandemian langileak eta enpresak babestu izan dituen Gobernu bat izatea erreferentzia modura. Nahiko ez dut, bada, ezkutu sozialean sinesten duen Gobernu bat egotea Madrilen, beti PSOEren begiradapean egon izan den langile klase horrek osatzen duen gehiengo sozialean pentsatzen duenean, alegia”, esan du.
Diputatuen Kongresuko sozialisten bozeramaileak, Patxi Lopezek, bere aldetik, Eneko Anduezak PSE-EEren burutzan gauzatutako lidergoa goretsi du, euskal agertoki politikoan “nortasun propioa” eman izan diolako alderdiari. Eta esan du “sozialisten DNAk” euskal herritarren bizitzari zuzenean eragiten dioten eztabaidak jartzen dituela agenda politikoan, hots: osasun sistema publikoa indartzea, hezkuntza eta lan-baldintzak hobetzea, edo gazteei emantzipatzeko aukera ematea.
Aurrerabidean, bizikidetzan eta Konstituzioan oinarritutako gobernu bat lortzearren sozialistak beste indar politiko batzuekin elkarrizketan daudela esan du lehendakariak. Eta eskuina kritikatu du amorruzko eta polarizazioko giro bat sortu nahi izateagatik. “Gizarte aske eta berdinzalea aldarrikatzen dugu guk, eta hori legeekin lortzen da. Guri kontra egiteko manifestazio gutxiago, areriotzat hartze gutxiago, eta esku gehiago jendeari politika errealekin laguntzeko”, erantzun du.
“Oso garrantzitsua da argi izatea nor ordezkatzen duzun eta nori zor zaren, norabidea ez galtzeko eta beste batzuen estrategia alderdikoietan eta partikularretan ez nahasteko. Guk badakigu zein den gure bidea, hots, LGSa eta pentsioak igotzea edo klima larrialdiaren kontrako borroka”, adierazi du.
