partekatu
Idoia Mendiak Euskadiko Elikaduraren Clusterraren etorkizuneko erronkak aztertu ditu
![1. argazkia](imagenes/noticias/cluster_1.jpg)
Idoia Mendia PSE-EEren idazkari nagusia Euskadiko Elikaduraren Clusterraren instalazioetan izan da gaur. Bertako zuzendariak, Jon Ander Egañak harrera egin dio. Idoiarekin batera Sonia Pérez eta Jon Azkue egon dira, PSE-EEren Politika Ekonomikoko eta Industriako arduradunak, hurrenez hurren. Bilera hori Euskal Sozialistak agintaldiaren hasieratik eragile sozioekonomikoekin egiten ari diren bilera sortaren barrukoa izan da.
Elikaduraren euskal sektorearen egoeraz eta etorkizuneko erronkez aritu dira. Sektore horrek, elikadura-merkataritza eta -turismoa barne harturik, Euskadiko BPGaren % 10,6 osatzen du, eta 96.000 pertsonari baino gehiagori emanten die enplegua (barne hartzen ditu hornitzaileak, eraldaketa, merkaturatzea eta banaketa). Alde biek nabarmendu dute sektorea nazioartekotzearen aldeko apustua garrantzia handikoa dela.