PSE-EE PSOE Socialistas Vascos

Mikel Torres lehendakariorde eta Ekonomia, Lan eta Enpleguko sailburu izendatzeak ondorioa izango du Eudel Euskadiko Udalen Elkartearen Batzorde Betearazlearen eraketan ere. Cristina Laborda Irungo alkateak hartzen du Portugaleteko lehen zinegotzi sozialistaren eskukoa, elkartearen bi lehendakariordetzetako bat betez. Txitxo Abascal Ermuko alkate sozialistak, bere aldetik, Labordak libre uzten duen mahaikidetza beteko du, Eudelen Batzorde Betearazlean eratzen duten hamabietako bat, alegia.

PSE-EEko Erakunde Politikako idazkariak, Begoña Gilek, zoriondu egin ditu Laborda eta Abascal izendapen horiengatik, eta euskal sozialistek Eudelekin eta euskal munizipalismoarekin duten konpromisoa berretsi du. Horrekin batera, Alderdi Sozialistak erakunde horretan lankidetzarako beti erakutsi izan duen bokazioa azpimarratu du.

 “Betidanik erakutsi izan dugun jarrerarekin jarraituz, lanean jarraituko dugu Eudelen, erakundeen arteko lankidetza eta elkarte horretan ordezkaturik dauden sentsibilitate politiko ezberdinen arteko kolaborazioa ardatz hartuta. Elkarte horren gobernu-organoetan islatzen den pluraltasuna pizgarria izan behar da guztiok Eudelen alde egin dezagun euskal udalerrien eta, azken batean, gure udaletako bizilagun bakoitzaren interesen eta beharren defentsarako funtsezko elementu gisa”, adierazi du.