partekatu
• Elkarrizketa Cadena SER irratiko La Ventana Euskadi irratsaioan
Idoia Mendia: "ETA berandu iritsi da, betiko legez"
Euskal Sozialisten idazkari nagusiak espero du ETAren adierazpena irmoa eta argia izatea, “denok argi izan dezagun ETAk behin betiko amaiera emango diola delituz beteriko istorioari”
![1. argazkia](imagenes/noticias/LaVentana_NOTICIA_1.jpg)
PSE-EEren idazkari nagusiak, Idoia Mendiak, ETAri eskatu dio “irmotasunez eta argitasunez” joka dezala adierazpenean, erakunde terroristak jarduna eten egingo duela iragartzeko egingo duen horretan. “Desmobilizazioko terminoak erabiltzen ari dira, beste toki batzuetan erabili direnak; baina hemen ez dute zerikusirik Euskadin gertatutakoarekin”, ohartarazi du Mendiak, banda desegitea espero duenak. "Denok argi izan behar dugu ETAk behin betiko amaiera emango diola delituz beteriko istorioari", baieztatu du.
Cadena SER irratiko La Ventana Euskadi irratsaioan Mendiak nabarmendu duenez, “ETAk 2011n ezeren truke hiltzeari utzi zion moduan, eta armak ezeren truke utzi zituen moduan, ETAk pertsiana itxiko du prezio politikorik gabe”.
Mendiak baztertu egin du ospakizunik egiteko aukera; izan ere, “bizitzaren egunerokotasuna, txakurra ateratzea, zaborra jaistea eta abar dira ospatzeko erarik onena”.
Aurrekontuak
Euskal Sozialisten buruzagiak errepikatu egin du Rajoyren aurrekontuen kontra dagoela, herrialdearen “berdintasunari eta gizarte-kohesioari” laguntzen ez dietelako. Iritzi berekoa da PSOEren idazkari nagusia, Pedro Sánchez.
Gernikako Estatutuaren erreformari buruz, Mendiak ohartarazi duenez, “Euskal Sozialistok ez dugu legez kanpoko akordiorik egingo, ez eta euskaldunei gatazkak eragiten dizkionik ere”.