partekatu
Idoia Mendiak britainiar enbaxadoreari esan dio Euskal Sozialistek autogobernua babesten dutela ekonomiaren garapenera, enplegura eta kohesio sozialera orientatuta
![1. argazkia](imagenes/noticias/_MY_9570_1.jpg)
PSE-EEren idazkari nagusiak, Idoia Mendiak, bilera bat izan du gaur Espainiako britainiar enbaxadorearekin, Simon Manleyrekin. Bileran gaur egungo egoera politikoa aztertu dute, bai eta Pedro Sánchez presidentearen gobernu sozialistaren agintaldiak ekarri dituen aldaketak ere. Berrikuntza horiek baloratzeaz gain, Idoia Mendiak enbaxadoreari azaldu dizkio Alderdi Sozialistak Euskadiri dagokionez dituen lehentasunak, Euskal Sozialistak betetzen ari diren papera erakundeak egonkortzeko eta PSE-EEren ekintza politikoaren lehentasunak.
“Gure lagun britainiarrekin ditugun harremanak oso garrantzitsuak dira Euskadirentzat. Asko eskertzen diot Simon Manley enbaxadoreari PSE-EEren ikuspegia ezagutzeko interesa, PSE-EE euskal erakundeak gobernatzen dituen alderdia den heinean. Halaber, eskertu nahi diot aukera eman izana azaltzeko sozialismoarentzat lehentasunezkoa dela gure erakundeen ekintza politikoa eta autogobernua ekonomiaren garapenera, enplegura eta kohesio sozialera bideratuta egotea”, azaldu du Idoia Mendiak. Bileran hainbat gai landu dituzte. Esate baterako, euskal industriaren eta Erresuma Batuaren arteko merkataritza-harremanak, bereziki, automobilgintzaren, aeronautikaren, energiaren edo garraioaren sektoreen bitartez.