PSE-EE PSOE Socialistas Vascos

Euskadiko Batzorde Exekutiboak balorazio oso positiboa egiten du maiatzaren 28ko igandean gure hautagaitzek lortutako emaitzen aurrean, eta eskerrak ematen dizkio militantzia sozialistari eta gure boto-paperak aukeratu izan dituzten milaka boto-emaileri, PSE-EEk egindako lanaren eta alderdi honetan jarritako konfiantzaren erakusle.

Emaitzak beste abal bat dira ordezkari sozialisten gestioarentzat, batik bat, alkate sozialistentzat, berretsi egin baitzaie orain dela lau urte lortu zuten babesa. Babes hori, hain zuzen, agintaldi bereziki zail batean euren udaletan gobernua partekatu duten edo oposizioa eginez lan egin izan duten zinegotzi sozialistengana ere luzatzen da.

Zorionak luzatu nahi dizkiegu Batzar Nagusietako, aldundietako gobernuetako eta foru-zerrendetako kideei, PSE-EE berriz ere ezker ez-nazionalistaren erreferentetzat jarri izan dutelako Euskadin, euskal erakunde guztietan bete izan dugun egiteko bat, alegia.

Orain, agertoki zatikatu batek, euskal politika ezaugarritzen duen pluraltasunaren ondorio denak, beste behin eskatzen dituen akordioak bilatzeko tenorea da. Horregatik, PSE-EEk lanean jarraitzeko konpromisoa hartzen du Euskadiko ahal den erakunde guztietan egonkortasuna emango duten, gobernu-ekintza herritarren benetako interesetara zuzenduko duten eta lidergo sozialista eta politika aurrerakoiak bultzatuko dituzten gehiengoak eratu daitezen.

Horren haritik, berebiziko garrantzia ematen diogu akordio zabal baterako aukera aztertzeari, PSE-EEren gobernuko alderdi izaerarekin bat egongo dena, udalerri eta lurralde guztietara modu orokorrean zabaltzeko, gehiengoak eratu daitezen hiru aldundietan, Gasteizko, Bilboko eta Donostiako hirietan eta beste udal batzuetan.

Bestetik, PSE-EEk adierazten du prest dagoela datozen Hauteskunde Orokorretarako kanpaina sozialisten indargunearen erakusle berri bat izateko. Euskaditik, beti egongo gara gizarte-ezkutuaren alde, eskubideak zabaltzearen alde, askatasunaren eta justizia sozialaren alde. PSOEren gobernu guztiak politika eta printzipio horiekin aurkeztu izan dira Espainiako gizartearen aurrean, gehiengo zabal handi bat biltzea lortuz. Datorren uztailaren 23an elkar ikusiko dugu berriro hautetsontzietan, Pedro Sanchez gure idazkari nagusi eta presidentea eta sozialista guztiak duela 144 urtetik beti gidatu izan dituen indar eta erabakimen osoarekin.