partekatu
• Fracking
Euskal Sozialistek konfiantza dute Euskadik frackingik gabeko lurraldea izaten jarraitu duela
![1. argazkia](imagenes/noticias/Gpsv_fracking_1.jpg)
Euskadiko Alderdi Sozialista-Euskadiko Ezkerra (PSE-EE) alderdiak deitoratu du Konstituzio Auzitegiak erabaki duela Espainiako Gobernuak 6/2015 Legearen aurka jarritako errekurtsoa partzialki onartzea. Aipatutako Lege hori 2015eko ekainaren 30ekoa da, hidrokarburo ez-konbentzionalak erauzteko prozesuan eta haustura hidraulikoan ingurumena babesteko neurri osagarriei buruzkoa.
Konstituzio Auzitegiak hartutako erbakia errespetatzea, edonola ere, bateragarria da Euskal Sozialistek, gizartearen adostasun-maila handia dela medio, frackingaren aurka hartutako konpromisoarekin. Konpromiso hori agerian utzi zuen Eusko Legebiltzarrean ordezkatutako taldeen multzoak hartutako jarrerak; izan ere, Legebiltzarrak lege hori onartu zuen kontrako botorik gabe, eta, ondorioz, gaia Ganberara ekarri zuen legegintzako herri-ekimena babestu zen.
PSE-EEk konfiantza du gai horren inguruan etorkizunean beharbada ekingo zaion edozein ekimenek, instituzioen eremuarekin lotuta daduenak barne, jarrera horrrekin bat egiten jarraituko duela, Euskadik frackingik gabeko lurraldea izan jarrai dezan.