partekatu
Carlos Cuerpo: “Helburu batekin haztea da hazkunde orekatu baterako gure errezeta: aberastasuna bidezko eran birbanatu eta Ongizate Estatua indartu”
“Zoritxar-iragarleen aurrean geure burua aldarrikatu” behar dugula azpimarratu du Ekonomia ministroak, “%3,2ko hazkundearen edo enpleguan errekorra diren datuekin”
Mikel Torres lehendakariordeak europar funtsen “arrakasta itzela” azpimarratu du, 3.700 milioi ekarri baitituzte Euskadira
Oscar Lopez Eraldaketa Digitaleko eta Funtzio Publikoaren ministroak azpimarratu du geuk sortzen dugula “Europar Batasunaren hazkundearen %50a, eskuina eta eskuin muturra elkarren eskutik hori isiltzen saiatzen ari diren arren”
Idoia Mendia eurodiputatuarentzat, “Europako hazkunde ekonomikoaren buruan gaude, mundu guztia guri begira dago”
Carlos Cuerpo Ekonomia, Merkataritza eta Enpresa ministroak Espainiaren indarguneak eta zifra ekonomiko ederrak goratu ditu, eta esan du geure burua aldarrikatu behar dugula “zoritxar-iragarleen aurrean, duela gutxira arte esaten baitzuten etengabe behera ari ginela eta susperraldia ezinezkoa zela”. Eta poza adierazi du hazkunde hori, gainera, “orekatua” izan delako. “Horrexek ahalbidetzen digu zirkuluaren koadraturari amaiera eman eta gizarte gisa aurrera egitea, horixe da gure errezeta: helburu batekin haztea, hazi eta aberastasuna bidezko era batean birbanatzeko gai izatea, Ongizate Estatua indartzea, kohesioa eta erakundeekiko konfiantza hobetuz”, azpimarratu du.
Ministroak “Orain, ekonomia berritzaile, jasangarri eta inklusiboa” izeneko mahai-inguru batean hartu du gaur parte Oscar Puente Eraldaketa Digitalerako eta Funtzio Publikoaren ministroarekin, Mikel Torres lehendakariorde eta Ekonomia, Lan eta Enplegu sailburuarekin eta Idoia Mendia eurodiputatuarekin –moderatzaile lanetan aritu da– batera. Foro horretan, Espainiako egoera ekonomikoari buruzko zifrak eman ditu, eta esan du analistek 2024ko urte hasieran uste bazuten ere Espainia %1,6 haziko zela, azkenean %3,2ko hazkundea izan dela, eurogune osoak baino 4,5 bider gehiago, alegia.
Gainera, “hazkunde orekatua” izan dela nabarmendu du, eta hori “enpleguan mugarri diren datu batzuekin, 23 milioi afiliaturekin eta enplegu egonkorrak gora eginez” frogatzen dela, “tenporaltasuna Europar Batasunak duela 3 urte zituen mailetaraino edo langabezia-tasa 2008tik hona ezagutu gabea zeneraino” jaitsiz. Eta, gainera, “prezioen etengabeko nola pixkanakako apaltzearekin, herritarrei erosahalmena berreskuratzea ekarri diena, batez ere, errenta baxueneko segmentuei, Lanbide arteko Gutxieneko Soldata igotzea bezalako neurriei esker”.
Mikel Torres lehendakariordeak, bere aldetik, esan du “asko eta ondo hazten” ari garela, “bai Espainian, bai Euskadin”. Eta, hazteko, argi izan behar dugu bi estrategia garatu behar direla: aberastasuna birbanatu, eta justizia sozialaren alde egin”
Ildo horretan, aberastasuna birbanatzeari begira Lanbide arteko Gutxieneko Soldataren igoera edo lanaldiaren murrizketa bezalako neurrien garrantzia aztertu du lehendakariordeak, “biek ala biek kontsumo pribatua hazten dutelako”. Eta esan du Euskadi ezarri izan duen babes-sistema indartsuagatik nabarmentzen dela, justizia soziala bermatzen duena eta Euskadi “pobrezia-arrisku gutxien duen autonomia erkidegoa delarik” horregatik.
Donald Trumpek muga-zergekin, adibidez, agindutako neurriek ekonomia globalarentzat dakartzaten arriskuei buruz, berriz, Mikel Torresek adierazi du Europatik “xantaia politikoaz harago” ematen dugun erantzuna dela garrantzitsuena. “Adi egon behar dugu Euskadin, zer gerta ere, baina gauzak dakigun bezala egiten jarraitu behar dugu. Eta, horretarako, konpromiso publikoa eta baliabideak behar dira, lehentasunak argi izatea”. Ildo horretan, Talgok Euskadin nola jarraituko duen gogoratu du, “Gobernuko buruaren eta Oscar Puente ministroaren erabaki irmoari esker”.
Bukatzeko, Europako funtsek izan duten arrakasta itzela gogoratu du, 3.700 milioi ekarri baitituzte Euskadira, enpresei lehiakortasunerako eraldaketak egitea ahalbidetuz, “bestela ezingo zuketelako”. Eraldaketa Digitalerako eta Funtzio Publikoaren ministro Oscar Lopezek nabarmendu du Euskadi erreferente ekonomiko arrakastadunean bihurtu dela Europa mailan, eta eredu sozialki bidezko batean hazi gaitezkeela frogatzen duela. Krisiaren aurrean Raxoiren neurri ekonomiko nagusia soldatak jaistea nola izan zen gogoratu du, “hondamendira eraman gintuena”, eta esan du Pedro Sanchezek erakutsi duela justizia soziala nola den bateragarria hazkunde ekonomikoarekin; eta “hori bakarrik ez, hazkunde ekonomikoa elikatzen du eta hazkunde osasuntsuago eta berdinzaleagoa eragiten du”, erantsi du.
“Gure historiako une ekonomiko hobeagoenetako bat bizitzen ari gara. Europako Batasunaren %10a gara populazio aldetik, baina geuk sortu izan dugu hazkundearen %50a”, adierazi du. Eta esan du eskuina eta eskuin muturra indarrak batzen ari direla hori isilean gera dadin, baina Europa oso jakitun dela horretaz.
Oscar Lopezentzat, eraldaketa digitalaren eztabaida adimen artifizialera ari da zuzentzen eta horrek izugarri aldatuko du gure ekonomia eta gure bizimodua. Horren aurrean, Espainiako Gobernua europar eredu bat zehazten ahalegintzen ari da, estatubatuar eta txinatar ereduen aldean, lehiakortasuna herritarren eskubideen babesarekin uztartu nahi duena.
Idoia Mendia eurodiputatuak, berriz, esan du Espainia Europako hazkunde ekonomikoaren buruan dela. “Europan guri begira dago mundu guztia”, adierazi du, denak Espainiako Gobernua “gure herrialdea eraldatzeko eta hazteko eta aberastasun hori banatzeko egiten ari den politika publikoei so daude”. “Hortxe baitago koska, sozialistek kudeatzeko dugun moduan”, adierazi du.
