PSE-EE PSOE Socialistas Vascos

PSE-EEko idazkari nagusiak, Eneko Anduezak, euskal alderdien gainerako arduradun gorenei zuzentzeko asmoa duela iragarri du bileren txanda baterako, Alderdi Sozialistaren buruan jarri izan duen biltzarraren etapari amaiera eman ondoren. “Dagokionaz hitz egiteko izango da, autogobernuaz eta euskal politikaren egunerokoa betetzen diguten beste gauza askotaz”, adierazi du SER kateko La ventana Euskadi saioan.

Euskadiko Batzorde Betearazleko kideei jakinarazi dioenaren arabera, Eneko Anduezak Elkarrekin Podemos, Sumar, PP, EH Bildu eta EAJ alderdietako buruei luzatzeko asmoa du eskaintza hori, hau da, Euskadin ordezkaritza instituzionala duten alderdiei, 2021ean hautatu zutenean erabilitako antzeko metodo batekin, alderdietatik aurkeztuko diren gai guztientzat tokia egongo den agenda ireki batekin.

Anduezak honako hitz hauek erabili ditu EH Bilduk EAJi datozen hauteskundeetan elkartuta aurkezteko egin dion proposamenaren harira: “Euskadi ez dago atzera itzultzeko, lubakietako politiketara”. Eta zerbitzu publiko indartsu batzuk izateko diru-sarrerak bermatuko dituen erreforma fiskalaren inguruan akordio bat lortzeko eskua luzatu duela gogoratu du, eta baztertu egin du “desberdintasun gehiago sortzen duen eredu bat, klase ertainak eta langileek ordaintzen duten hazkunde-eredu bat”, PPren planteamenduari aipu eginez.

Gernikako Estatutuaren erreformari buruz, berriz, onartu du ez dutela “gehiegi sakondu”, baina herritarrei benetan axola diena “etorkizuneko erronkei heltzeko ditugun tresnak” direla nabarmendu du. “Euskadiren etorkizuna ezin da aldebakarrez erabaki”, adierazi du alderdi abertzaleen asmoei buruz. “Etorkizuneko Estatutuaren gakoa ez da subiranismoa”, adierazi du.