partekatu
• Elkarrizketa RNEn
Eneko Andueza: “Euskal Sozialisten helburua da Euskadi lideratzea eta instituzioetatik lan egitea aurrera eta modernizatzen doan herrialde baten alde”
Hori da PSE-EEren idazkari nagusi hautatu berriak, Eneko Anduezak, landuko duen premisetako bat datorren azaroaren 20an eta 21ean burutuko den 9. Kongresuan alderdiaren buruzagitza hartzen duenean, Espainiako Irrati Nazionalari (RNE) emandako elkarrizketa batean azaldu duenez.
ðŸŽ™ï¸ #Euskadi-n ezin dugu izan herrialde honen pluraltasuna eta aniztasuna onartuko ez duen Estatuturik.
Batzen gaituena azpimarratu behar dugu, ez zatitzen gaituena.
📻 @rne #9congresoPSE pic.twitter.com/s7xQpNKs6r
— Eneko Andueza (@enekoandueza) November 1, 2021
Eneko Anduezak zenbait udaletan EH Bildurekin lortutako “unean uneko” akordioak aipatu ditu eta arbuiatu egin ditu EAJren kritikak, igandean egin zuen moduan, eta PSE-EEk Covid-19aren pandemiaren unerik okerrenak gainditu ondoren zerbitzu publikoekin eta bidezko susperraldiarekin duen konpromisoa azpimarratu du.
“Gure helburua da inor atzean ez uztea, sozialaren eta publikoaren aldeko apustu garbia da gurea. Denbora honetan ikasitako guztiaren ondoren egiteko dauden lanen artean dira indartzen joatea zerbitzu publikoak, osasungintza, hezkuntza, enplegua... Horretan jardungo dugu”, azaldu du, eta poza adierazi du Estatuko Aurrekontu Orokorrak onartzeko negoziazioak nola doazen ikustean.
